今季冬季轉會窗關閉，總結曼聯嚟講，走嘅比加盟多好多，離隊嘅有費查、韋費特沙夏、安達臣同維美積，外借走嘅亦有連格特同贊高，反而就從保頓借入年青後衛安迪凱利特。有估佢唔到，亦有預料之內，筆者有意就幾名球員作詳談…
(1) 費查：效力紅魔15年的老將離開 懷著不捨之情
曼聯晌轉會窗最後一刻宣佈效力曼聯15年嘅費查加盟西布朗，同球會簽約兩年半，仲可以選擇續約1年。費查2000年加入曼聯青訓，3年後升上一隊，在一隊效力咗12年，合共上陣342次，射入24球。費查效力期間晌中場出任防守中場，十分稱職，當時受到費Sir重用，而佢晌更衣室內亦好受歡迎，亦好有威信，季初仲被雲高爾任命為副隊長。
不過費查晌曼聯如日方中之戰，卻受到病毒影響，晌紅魔最後幾年受到潰瘍性結腸炎困擾，長期休戰，雖然已經動手術治癒，並特意復出，但好明顯狀態已經大不如前，令佢今季上陣機會太少，為了多啲出場時間，不得不離隊他投。
費查可以話係將佢十幾年嚟最美好嘅歲月，都奉獻俾咗曼聯，只可惜係佢嘅病，同時亦令佢失去當打時間，難以在紅魔繼續自己的足球生涯。
(2) 安達臣：身價傷患影響發揮 亦不進取
當年身價2600萬鎊嘅安達臣，2007年同蘭尼一齊加盟曼聯，曾受到費sir重用，不過最後階段卻晌曼聯變得鬱鬱不得志，仲提前解約，得以自由身重回巴西，轉投國際體育會。
安達臣效力波圖時的確表現驚人，好有潛質，更有「新細哨」之名，吸引曼聯出價，之不過轉會後初時上陣表現同身價不符，顯然唔可以承受轉會費給予的壓力，筆者記得安達臣晌曼聯時的確有踢過好波，一道同卡華利齊齊佔據曼聯中場中正選位置，之不過每次當安達臣發揮出表現時，總是有傷患來臨，仲要係休養一段長時間嗰隻，復出後又踢唔到水平，令佢喺曼聯發展浮浮沉沉。
安達臣季初留隊，晌雲高爾帶領下，完全無機會，只係晌今季第一場後備上陣踢過20分鐘，再加上安達臣的確身型有點發福，顯然沒有就體能方面下苦功，務求改善狀態，俾人不進取嘅表現，實在有點浪費自己曾一度擁有的足球天賦。
(3) 韋費特沙夏：從加盟至今無機會發揮 看不透其實力
水晶宮日前晌官方網站上宣佈，從曼聯簽下韋費特沙夏，簽約5年半至2020年。根報導水晶宮向曼聯支付300萬英鎊轉會費，再依據韋費特沙夏嘅表現，自付一定數額嘅金錢。不過點講都好，費sir當年退休前以1500萬買入，如今卻2折出售。
沙夏喺水晶宮培訓球星，仲令佢曾得到鶴臣徵召，入選英格蘭國家隊，因此曼聯晌2013年1月以1500萬買入，之不過13年夏季加盟後得唔到莫耶斯重用，只係為曼聯晌英超上陣兩場，其後2014年冬季轉會窗借到去水晶宮，本季又再一次外借到該倫敦球會，咁耐以嚟沙夏好明顯完全無上陣機會，兩位領隊都無俾時間佢晌場上表現自己，至少讓球迷看一看在曼聯表現才下定論，不過一切都完結，睇嚟佢帶俾球迷最大嘅回憶，就係有傳佢同莫耶斯個女偷情被捉奸在床一事。
喺曼聯2年時間，沙夏英超上陣過2次，出場26分鐘，聯賽盃出場78分鐘，社區盾杯出場61分鐘，歐聯、足總盃無出過場，難怪佢轉會後表示終於可以擺脫噩夢。
(4) 安迪凱利特：令人意外收購 用意在？
21歲的安迪凱利特喺保頓出世，2002年就加入保頓青訓，不過就舊年先升上一隊，同年4月22日喺英冠首度替保頓上陣，不過去年10月，凱利特就被借去英乙普利茅斯，效力3個月上陣15場，並晌12月13日贏諾咸頓3:2賽事入面，取得職業生涯第一兼唯一一個入球。上月佢重返保頓，晌借至曼聯前，凱利特共為保頓上陣4場。
曼聯借入一名外界唔太認識嘅年青球員，用意喺邊，的確唔係好知，曼聯依家後防人手都算充裕，應該未打過英超嘅凱利特上陣機會唔多，不過考慮佢只得21歲，唔通雲高爾賞識佢嘅潛質而先借後買？不過外界就認為曼聯借入係以備不時之需為多。
入球：
http://youtu.be/2EcGiEKvW7E
(1) 費查：效力紅魔15年的老將離開 懷著不捨之情
曼聯晌轉會窗最後一刻宣佈效力曼聯15年嘅費查加盟西布朗，同球會簽約兩年半，仲可以選擇續約1年。費查2000年加入曼聯青訓，3年後升上一隊，在一隊效力咗12年，合共上陣342次，射入24球。費查效力期間晌中場出任防守中場，十分稱職，當時受到費Sir重用，而佢晌更衣室內亦好受歡迎，亦好有威信，季初仲被雲高爾任命為副隊長。
不過費查晌曼聯如日方中之戰，卻受到病毒影響，晌紅魔最後幾年受到潰瘍性結腸炎困擾，長期休戰，雖然已經動手術治癒，並特意復出，但好明顯狀態已經大不如前，令佢今季上陣機會太少，為了多啲出場時間，不得不離隊他投。
費查可以話係將佢十幾年嚟最美好嘅歲月，都奉獻俾咗曼聯，只可惜係佢嘅病，同時亦令佢失去當打時間，難以在紅魔繼續自己的足球生涯。
(2) 安達臣：身價傷患影響發揮 亦不進取
當年身價2600萬鎊嘅安達臣，2007年同蘭尼一齊加盟曼聯，曾受到費sir重用，不過最後階段卻晌曼聯變得鬱鬱不得志，仲提前解約，得以自由身重回巴西，轉投國際體育會。
安達臣效力波圖時的確表現驚人，好有潛質，更有「新細哨」之名，吸引曼聯出價，之不過轉會後初時上陣表現同身價不符，顯然唔可以承受轉會費給予的壓力，筆者記得安達臣晌曼聯時的確有踢過好波，一道同卡華利齊齊佔據曼聯中場中正選位置，之不過每次當安達臣發揮出表現時，總是有傷患來臨，仲要係休養一段長時間嗰隻，復出後又踢唔到水平，令佢喺曼聯發展浮浮沉沉。
安達臣季初留隊，晌雲高爾帶領下，完全無機會，只係晌今季第一場後備上陣踢過20分鐘，再加上安達臣的確身型有點發福，顯然沒有就體能方面下苦功，務求改善狀態，俾人不進取嘅表現，實在有點浪費自己曾一度擁有的足球天賦。
(3) 韋費特沙夏：從加盟至今無機會發揮 看不透其實力
水晶宮日前晌官方網站上宣佈，從曼聯簽下韋費特沙夏，簽約5年半至2020年。根報導水晶宮向曼聯支付300萬英鎊轉會費，再依據韋費特沙夏嘅表現，自付一定數額嘅金錢。不過點講都好，費sir當年退休前以1500萬買入，如今卻2折出售。
沙夏喺水晶宮培訓球星，仲令佢曾得到鶴臣徵召，入選英格蘭國家隊，因此曼聯晌2013年1月以1500萬買入，之不過13年夏季加盟後得唔到莫耶斯重用，只係為曼聯晌英超上陣兩場，其後2014年冬季轉會窗借到去水晶宮，本季又再一次外借到該倫敦球會，咁耐以嚟沙夏好明顯完全無上陣機會，兩位領隊都無俾時間佢晌場上表現自己，至少讓球迷看一看在曼聯表現才下定論，不過一切都完結，睇嚟佢帶俾球迷最大嘅回憶，就係有傳佢同莫耶斯個女偷情被捉奸在床一事。
喺曼聯2年時間，沙夏英超上陣過2次，出場26分鐘，聯賽盃出場78分鐘，社區盾杯出場61分鐘，歐聯、足總盃無出過場，難怪佢轉會後表示終於可以擺脫噩夢。
(4) 安迪凱利特：令人意外收購 用意在？
21歲的安迪凱利特喺保頓出世，2002年就加入保頓青訓，不過就舊年先升上一隊，同年4月22日喺英冠首度替保頓上陣，不過去年10月，凱利特就被借去英乙普利茅斯，效力3個月上陣15場，並晌12月13日贏諾咸頓3:2賽事入面，取得職業生涯第一兼唯一一個入球。上月佢重返保頓，晌借至曼聯前，凱利特共為保頓上陣4場。
曼聯借入一名外界唔太認識嘅年青球員，用意喺邊，的確唔係好知，曼聯依家後防人手都算充裕，應該未打過英超嘅凱利特上陣機會唔多，不過考慮佢只得21歲，唔通雲高爾賞識佢嘅潛質而先借後買？不過外界就認為曼聯借入係以備不時之需為多。
入球：
http://youtu.be/2EcGiEKvW7E
請按此登錄後留言。未成為會員? 立即註冊