法卡奧經理人：曼聯買斷老虎？唔知噃，未必囉 精選

法卡奧上仗對修咸頓的比賽，正選後備都唔見影，好多人都估曼聯未必買佢喇...而佢嘅經理人最近的言論令呢件事好似似層層咁....

佢經理人就係基斯坦奴朗拿度、迪馬利亞、尼馬的經理人文迪斯，以佢同曼聯嘅交情，原本無嘢無得傾嘅，點知佢咁講噃：「我唔知法卡奧留唔留低噃，佢係就係一位好球員，仲要體能好好，場場都可以打90分鐘架，第時去咗第二間球會場場打正選，曼聯球迷一定好難受囉。我咩都唔知呀，下季佢會點？打頂級球會囉！係唔係曼聯？咁我都話唔埋喇...足球就係咁，等下啦，大家都要等下。」
其實法卡奧一啲都唔平，600萬鎊先借到一季，買斷就要用4350萬鎊，不過佢今季入波又唔多，而且成日打唔足90分鐘，又難怪文迪斯要諷刺下嘅...不過咁，真係唔要佢的話，曼聯真係要搵返個啱用嘅，睇朗尼上仗「單鋒扣關」無咩效就知唔夠鋒用，雲師兄又唔係好打得起...你話法卡奧係唔係我哋要嘅答案？筆者只可以跟文迪斯咁講，唔知呀！我咩都唔知呀！
咪住咪住！
我都唔知有無得留低...射下龜啦惟有...