「我唔要打中場」，呢句扭計大家應該聽得多，因為我哋嘅隊長朗尼已經咁講咗好多次…不過有時世事就係咁，有麝自然香，人人都會知你擅長做咩嘅！朗尼呢3場轉打中場表現真係好出色，已經攻入3球、1助攻。而朗尼自己，都好似認咗命…
佢咁講：「打中場位置我已經試過好多次，我知自己可以發揮得好。不過我都唔係打防守咁簡單，雲高爾俾我權限可以成日上前攻門，咁就可以後上入禁區起腳喇！史高斯都係咁之嘛，成日後上攻門入波。佢可以睇到皮球的去向、睇到禁區內有咩空位，然後後上入波。我今日用同樣的方式，入咗兩球。贏波好正、入波都好正，我對自己的表現好滿意。」
睇opta的統計，朗尼全場61次傳波55次成功，傳球成功率高達90.2%；防守上佢有6次攔截、3次鏟波2次成功，仲有1次解圍。而作為隊長，佢跑動非常勤力，大家懶懶閒時佢就去提醒隊友、又會同球證爭取，真係幾稱職架！而有傳媒就將打中場可攻可守嘅佢同耶耶托尼相比。今場波佢2入波1助攻啦，在中場轉方向呀、攔截都交哂功課，又真係有啲托尼的影子！身型可能無人咁高，不過你要撞低佢同要撞低托尼都係好難嘅事…
朗尼至今有92個英超主場入球，如果計埋佢效力愛華頓時期的主場入波，已經有99個喇！只要攻入多1個主場入球，佢就可以同舒利亞、亨利、高爾、科拿等人看齊喇！不過既然佢攻又得、守又得，佢係唔係真係唔應該再打前鋒？呢一季就未必喇，白蘭特復出之後、靴里拉又上力的話，中場可能就未必有朗尼份喇，佢可能又要去爭馬達個攻中位置…不過點都好啦，佢都知自己有啲似史高斯，咁即係叫佢做中場指揮官佢應該唔會再抗拒架喇！假以時日，大家應該會喺中場見佢多啲！
http://vimeo.com/115435497
佢咁講：「打中場位置我已經試過好多次，我知自己可以發揮得好。不過我都唔係打防守咁簡單，雲高爾俾我權限可以成日上前攻門，咁就可以後上入禁區起腳喇！史高斯都係咁之嘛，成日後上攻門入波。佢可以睇到皮球的去向、睇到禁區內有咩空位，然後後上入波。我今日用同樣的方式，入咗兩球。贏波好正、入波都好正，我對自己的表現好滿意。」
睇opta的統計，朗尼全場61次傳波55次成功，傳球成功率高達90.2%；防守上佢有6次攔截、3次鏟波2次成功，仲有1次解圍。而作為隊長，佢跑動非常勤力，大家懶懶閒時佢就去提醒隊友、又會同球證爭取，真係幾稱職架！而有傳媒就將打中場可攻可守嘅佢同耶耶托尼相比。今場波佢2入波1助攻啦，在中場轉方向呀、攔截都交哂功課，又真係有啲托尼的影子！身型可能無人咁高，不過你要撞低佢同要撞低托尼都係好難嘅事…
朗尼至今有92個英超主場入球，如果計埋佢效力愛華頓時期的主場入波，已經有99個喇！只要攻入多1個主場入球，佢就可以同舒利亞、亨利、高爾、科拿等人看齊喇！不過既然佢攻又得、守又得，佢係唔係真係唔應該再打前鋒？呢一季就未必喇，白蘭特復出之後、靴里拉又上力的話，中場可能就未必有朗尼份喇，佢可能又要去爭馬達個攻中位置…不過點都好啦，佢都知自己有啲似史高斯，咁即係叫佢做中場指揮官佢應該唔會再抗拒架喇！假以時日，大家應該會喺中場見佢多啲！
http://vimeo.com/115435497
請按此登錄後留言。未成為會員? 立即註冊