早兩日夏格維斯同大家講今季車仔有啲似當年1999年三冠王的曼聯，其實佢仲有其他嘢講架！當中最令人驚訝的，係佢話依家曼聯根本唔需要史杜特文同曉姆士咁話，係基於咩分析咁講嘅呢佢？
夏格維斯咁講：「我認為曼聯1月會買入另一個中場，佢哋會試下買史杜特文。不過曼聯真係唔需要史杜特文架，佢哋真係要嘅係一位強大的後防球員，即係好似維迪、里奧咁！而我亦唔認為曉姆士啱曼聯用，佢係就係一位好球員，不過佢其實係一位極佳的傳球手而非最佳後衛。佢哋要一位球員去應付1 on 1的情況，呢個唔係曉姆士的長處。佢係擅長由後方轉守為攻，不過都有卡域克、白蘭特在隊，無必要再多個曉姆士。」
「其實隊隊都想要好後衛，不過我的意見而言新一代的後衛太喜歡上腳同盤扭，你睇下大衛雷斯同曉姆士就知道。一位傳統、old school的後衛先係曼聯需要的，佢一定要係身體抗性好強、體能好好，好有力量，我會話高柏尼係球壇上最有力量而且亦輔以技術同腳法的後衛。唔係好常見到佢咁嘅好球員，堤亞高施華、貝拿迪亞都得，不過我就認為高柏尼最適合曼聯。」哇，要曼聯買高柏尼？呢個真係有難度噃…
夏格維斯仲講到自己點睇聯賽最後掛名，佢認為車仔贏就贏梗，曼城會好近不過最後只得第2。曼聯呢？夏格維斯估第三，而阿仙奴就第四咁話。而佢嘅一句說話，我諗大家都會認同：「依家贏波但其實打得唔好，如果要人人開心，你就要打出好的表現，好似車仔咁。佢哋一定知自己在水準之下。」
夏格維斯咁講：「我認為曼聯1月會買入另一個中場，佢哋會試下買史杜特文。不過曼聯真係唔需要史杜特文架，佢哋真係要嘅係一位強大的後防球員，即係好似維迪、里奧咁！而我亦唔認為曉姆士啱曼聯用，佢係就係一位好球員，不過佢其實係一位極佳的傳球手而非最佳後衛。佢哋要一位球員去應付1 on 1的情況，呢個唔係曉姆士的長處。佢係擅長由後方轉守為攻，不過都有卡域克、白蘭特在隊，無必要再多個曉姆士。」
「其實隊隊都想要好後衛，不過我的意見而言新一代的後衛太喜歡上腳同盤扭，你睇下大衛雷斯同曉姆士就知道。一位傳統、old school的後衛先係曼聯需要的，佢一定要係身體抗性好強、體能好好，好有力量，我會話高柏尼係球壇上最有力量而且亦輔以技術同腳法的後衛。唔係好常見到佢咁嘅好球員，堤亞高施華、貝拿迪亞都得，不過我就認為高柏尼最適合曼聯。」哇，要曼聯買高柏尼？呢個真係有難度噃…
夏格維斯仲講到自己點睇聯賽最後掛名，佢認為車仔贏就贏梗，曼城會好近不過最後只得第2。曼聯呢？夏格維斯估第三，而阿仙奴就第四咁話。而佢嘅一句說話，我諗大家都會認同：「依家贏波但其實打得唔好，如果要人人開心，你就要打出好的表現，好似車仔咁。佢哋一定知自己在水準之下。」
請按此登錄後留言。未成為會員? 立即註冊