曼聯今季成績雖然唔算得上差，不過論霸氣真係差幾遠，筆者本以為擊敗了利物浦之後會一切順遂，不過好明顯不如人願，對維拉時又出現幾多死氣沉沉的戰略同氣氛。睇住無咩霸氣嘅曼聯，就連夏格維斯都忍唔住要品評一下。
當年曼聯用咗好長時間先喺拜仁到買入夏格維斯，不過佢打出表現都只係頭兩季，之後就因為傷患長時間坐冷板凳…而佢講到今日曼聯，就認為同三冠王的曼聯不能比擬：「當年有約基、高爾，又有娃娃臉蘇斯克查同舒寧咸，個個有波入，人人好攻力不在話下，中場更有黃金組合碧咸、史高斯、傑斯、堅尼，當時我哋具備一切，攻守兼備。比起現在的曼聯，同當年差好遠。睇到今年車仔，我立即感到曼聯1999年奪得三冠王時的氣魄。兩隊都有技術、有活力、有身魄，而且最重要係同樣冷酷無情，不由分寸狂數對手。摩帥的麾下同當年曼聯的因素好似，尤其係『盡殺』呢一面。」
如果要筆者比較1999年同今年的曼聯，結論應該都一樣，人腳方面真係差幾遠。當年有太多突出的球員，人人都可以獨當一面；自由球有碧咸百步穿楊，自由球、角球下下都可以創造機會，家下我哋要朗尼、雲佩斯等等前鋒去開角球自由球本身已經削弱了攻力；當年有硬漢堅尼可以主宰軍心、有史高斯可以主宰節奏，今日費蘭尼唔太夠人撞、靴里拉亦只係勉強做到主宰節奏；後衛就更加欠一位史譚式的指揮官。惟一可以打個和，可能只係得傑斯的突破力同迪馬利亞可以相提並論。
不過做人都要公平啲，當年都無曼城、車路士呢啲異軍突起，歐洲足球亦未係咁風起雲湧，你見修咸頓的好表現就知，依家資訊爆棚、知識普及，唔一定要好有經驗的人才可以教好球隊，「學院派」靠科技、靠理論加強球隊能力的人大有人在，可以話係英國足球戰國時代的今日，仲點會有不敗之師、無敵艦隊出現先得架！所以用1999年的曼聯做比較？都唔係同一個時空，比較嚟無咩意義嘅！睇下曼聯點樣進步仲實際啦！
預告：夏格維斯話，曼聯無必要在一月買入曉姆斯、史杜特文
當年曼聯用咗好長時間先喺拜仁到買入夏格維斯，不過佢打出表現都只係頭兩季，之後就因為傷患長時間坐冷板凳…而佢講到今日曼聯，就認為同三冠王的曼聯不能比擬：「當年有約基、高爾，又有娃娃臉蘇斯克查同舒寧咸，個個有波入，人人好攻力不在話下，中場更有黃金組合碧咸、史高斯、傑斯、堅尼，當時我哋具備一切，攻守兼備。比起現在的曼聯，同當年差好遠。睇到今年車仔，我立即感到曼聯1999年奪得三冠王時的氣魄。兩隊都有技術、有活力、有身魄，而且最重要係同樣冷酷無情，不由分寸狂數對手。摩帥的麾下同當年曼聯的因素好似，尤其係『盡殺』呢一面。」
如果要筆者比較1999年同今年的曼聯，結論應該都一樣，人腳方面真係差幾遠。當年有太多突出的球員，人人都可以獨當一面；自由球有碧咸百步穿楊，自由球、角球下下都可以創造機會，家下我哋要朗尼、雲佩斯等等前鋒去開角球自由球本身已經削弱了攻力；當年有硬漢堅尼可以主宰軍心、有史高斯可以主宰節奏，今日費蘭尼唔太夠人撞、靴里拉亦只係勉強做到主宰節奏；後衛就更加欠一位史譚式的指揮官。惟一可以打個和，可能只係得傑斯的突破力同迪馬利亞可以相提並論。
不過做人都要公平啲，當年都無曼城、車路士呢啲異軍突起，歐洲足球亦未係咁風起雲湧，你見修咸頓的好表現就知，依家資訊爆棚、知識普及，唔一定要好有經驗的人才可以教好球隊，「學院派」靠科技、靠理論加強球隊能力的人大有人在，可以話係英國足球戰國時代的今日，仲點會有不敗之師、無敵艦隊出現先得架！所以用1999年的曼聯做比較？都唔係同一個時空，比較嚟無咩意義嘅！睇下曼聯點樣進步仲實際啦！
預告：夏格維斯話，曼聯無必要在一月買入曉姆斯、史杜特文
請按此登錄後留言。未成為會員? 立即註冊