白蘭特的受傷對曼聯好像是福不是禍，因為他的缺席才令卡域克正式奪回正選之位，而6連勝的比賽卡域克是場場有份的，而筆者亦曾撰文指出卡域克對曼聯的重要性。不過白蘭特這位新的中後場球員，亦有非常強大的數據引證他的高效及潛力，對比33歲的卡域克，24歲的白蘭特有更多的發展空間，亦意味他有更大的責任將要肩負。
先談位置，準確來說他不可以算是一位防中，而是近乎於所謂「deep lying playmaker」，很難找到合適的翻譯字，不如就當他是中後場的指揮官吧！把握中後場節奏、派牌、以不同的傳送主宰中後場的局勢，這就是deep lying playmaker的工作。對比起力壓對手為主的防中，白蘭特不擅於逼搶、力壓，反而更擅於攔截：不是攔截人，而是閱讀對方的傳球路線，攔截個波。呢個係佢喺阿積士足球學校練返嚟嘅足球頭腦，係用個腦去踢波而唔係用蠻力。大家睇睇數字就知，以11月前的數據看來，打了僅僅8場波白蘭特攔截對方傳送已經達21次，平均每場波2.6次，數字上比打夠十場嘅馬迪(11場19次)、沙比阿朗素(10場20次)同費蘭甸奴(10場15次)都多。而傳波成功率，佢亦有90%，比馬迪、費蘭甸奴都高。由此印證了他在戰術上的作用，是斷對方供應而非身體壓逼；是連繫中前場而唔係搶斷對方腳下球。
而另外一個數字，亦顯示出佢唔係大家眼中的力逼型防中：只講搶得對手腳下球的數字而言，白蘭特只得18次，比起29次的馬迪差成10次，亦無舒尼達連（Morgan Schneiderlin）這種悍將的34次咁多。這兩位，才是所謂的「防中」。身型上，佢一定係有啲輸蝕，制空力亦不是特別強，不過他是最能反映雲高爾足球哲學的球員，亦即是踢波不是用對腳，而是用腦。英超確係一個橫衝直撞的聯賽，不過只要識得用腦，唔一定要下下同人硬拚，睇卡域克咁柔都可以主宰曼聯後半場就知道了。而且只係24歲，佢仲有好多可以改善、進步的地方，呢一刻唔夠卡域克咁好？過多幾年就唔係呢回事啦！
https://www.youtube.com/watch?v=WV3Yt-asDNw睇呢段片，就知佢擅長邊一種打法喇！
先談位置，準確來說他不可以算是一位防中，而是近乎於所謂「deep lying playmaker」，很難找到合適的翻譯字，不如就當他是中後場的指揮官吧！把握中後場節奏、派牌、以不同的傳送主宰中後場的局勢，這就是deep lying playmaker的工作。對比起力壓對手為主的防中，白蘭特不擅於逼搶、力壓，反而更擅於攔截：不是攔截人，而是閱讀對方的傳球路線，攔截個波。呢個係佢喺阿積士足球學校練返嚟嘅足球頭腦，係用個腦去踢波而唔係用蠻力。大家睇睇數字就知，以11月前的數據看來，打了僅僅8場波白蘭特攔截對方傳送已經達21次，平均每場波2.6次，數字上比打夠十場嘅馬迪(11場19次)、沙比阿朗素(10場20次)同費蘭甸奴(10場15次)都多。而傳波成功率，佢亦有90%，比馬迪、費蘭甸奴都高。由此印證了他在戰術上的作用，是斷對方供應而非身體壓逼；是連繫中前場而唔係搶斷對方腳下球。
而另外一個數字，亦顯示出佢唔係大家眼中的力逼型防中：只講搶得對手腳下球的數字而言，白蘭特只得18次，比起29次的馬迪差成10次，亦無舒尼達連（Morgan Schneiderlin）這種悍將的34次咁多。這兩位，才是所謂的「防中」。身型上，佢一定係有啲輸蝕，制空力亦不是特別強，不過他是最能反映雲高爾足球哲學的球員，亦即是踢波不是用對腳，而是用腦。英超確係一個橫衝直撞的聯賽，不過只要識得用腦，唔一定要下下同人硬拚，睇卡域克咁柔都可以主宰曼聯後半場就知道了。而且只係24歲，佢仲有好多可以改善、進步的地方，呢一刻唔夠卡域克咁好？過多幾年就唔係呢回事啦！
https://www.youtube.com/watch?v=WV3Yt-asDNw睇呢段片，就知佢擅長邊一種打法喇！
請按此登錄後留言。未成為會員? 立即註冊