「曼聯同飛機真係好有淵源。」敵對球隊對呢句說話一定有自己嘅演繹，不過筆者呢到講嘅，唔係我哋放出嚟嘅飛機，而係敵對陣營放出嘅飛機！
早前有人用飛機拉banner 叫莫帥「the wrong one」，又有飛機飛晏菲路，寫住「united 20 Gerrard 0」，不過呢啲都係玩鬧性質，今次「敵方」放出的是諜戰用無人偵察機，地球人已經阻止唔到佢哋喇！其實依家要用飛機進行「偵測」一啲都唔難，航拍直升機通街都係，平嘅幾百、貴嘅幾千，普通人都買得起，甚至歐國盃的外圍賽入面已經有人用飛機懸掛爭議性標語飛入球場，一啲都唔係新鮮事。最近就有報導指，卡靈頓訓練基地上空有好多「狂蜂浪蝶」，估計係嚟偷拍戰術訓練，或者係充當狗仔隊影球員相！
既然報紙都報得，雲帥點會唔知呢！所以佢為咗保障隱私、防軍情外泄或者俾人影「豔照」，雲帥直情雇用專業保安公司，一於打「反諜戰」！消息人士指：「曼城、利物浦、阿仙奴都唔可能用飛機偷睇人哋。不過如果有啲人自作聰明，想望下八卦下我哋做緊咩，都唔可以唔防範。加上依家曼聯訓練緊一啲好具體嘅戰術，當然想收埋啲！就算影唔到戰術，影到球員吵吵鬧鬧、唔正經，一來尷尬，二來都係八卦新聞內容，避得都係避啦！」
其實呢啲諜戰唔係新鮮事喇，05年曼聯對車仔就有外來人喺更衣室安裝竊聽器進行「英式竊聽風雲」，費格遜嘅team talk、摩連奴輸波之後大肆「腰潤」球員，通通都被人錄哂，事後曼聯都雇用咗同一間保安公司清咗一輪竊聽器，只係新招日日有，睇嚟呢場攻防戰仲有排鬥！太陽報嘅報導都幾...露骨！
等我飛埋去先！
早前有人用飛機拉banner 叫莫帥「the wrong one」，又有飛機飛晏菲路，寫住「united 20 Gerrard 0」，不過呢啲都係玩鬧性質，今次「敵方」放出的是諜戰用無人偵察機，地球人已經阻止唔到佢哋喇！其實依家要用飛機進行「偵測」一啲都唔難，航拍直升機通街都係，平嘅幾百、貴嘅幾千，普通人都買得起，甚至歐國盃的外圍賽入面已經有人用飛機懸掛爭議性標語飛入球場，一啲都唔係新鮮事。最近就有報導指，卡靈頓訓練基地上空有好多「狂蜂浪蝶」，估計係嚟偷拍戰術訓練，或者係充當狗仔隊影球員相！
既然報紙都報得，雲帥點會唔知呢！所以佢為咗保障隱私、防軍情外泄或者俾人影「豔照」，雲帥直情雇用專業保安公司，一於打「反諜戰」！消息人士指：「曼城、利物浦、阿仙奴都唔可能用飛機偷睇人哋。不過如果有啲人自作聰明，想望下八卦下我哋做緊咩，都唔可以唔防範。加上依家曼聯訓練緊一啲好具體嘅戰術，當然想收埋啲！就算影唔到戰術，影到球員吵吵鬧鬧、唔正經，一來尷尬，二來都係八卦新聞內容，避得都係避啦！」
其實呢啲諜戰唔係新鮮事喇，05年曼聯對車仔就有外來人喺更衣室安裝竊聽器進行「英式竊聽風雲」，費格遜嘅team talk、摩連奴輸波之後大肆「腰潤」球員，通通都被人錄哂，事後曼聯都雇用咗同一間保安公司清咗一輪竊聽器，只係新招日日有，睇嚟呢場攻防戰仲有排鬥！太陽報嘅報導都幾...露骨！
等我飛埋去先！
請按此登錄後留言。未成為會員? 立即註冊