對比上季莫耶斯麾下的曼聯，今日的紅魔鬼分數更少，不過在混戰的英超亂局之中，仍然好好彩有個第七，離開今季目標，即係重奪歐聯資格有5分之遙。你話我哋有無計成功達標？咁就要睇呢幾樣嘢喇！
首先，係狀態有啲下滑嘅「天使」迪馬利亞，究竟會唔會成為奧斯爾第二，打出個虎頭然後變蛇尾，大跌watt呢？答案係，筆者都唔知。不諱言，曼聯依家的創造力9成都來自迪馬利亞，好多時都太依賴佢，呢個絕對唔係好事，一方面佢真係繼續跌watt就弊傢伙；更重要的是佢越打得差，大家俾佢嘅壓力就越大，於是就適得其反…所以，打起曼聯，關鍵唔係「天使」，而係其他球員。好似馬達咁，佢上仗表現出色，下場比賽如果有正選，對手一定會駐兵防佢，咁迪馬利亞就會多啲空間進攻了。條數就係咁簡單，越多球員上力，對手就越疲於奔命；「天使」壓力細咗，自然無跌得咁快啦！你睇，阿根廷國家隊都要有阿古路、美斯，咁先係「平衡」嘛！
講到呢到，當然要提法卡奧啦！因傷無得打世盃、加上在摩洛哥經歷了一個迷失球季，「老虎」都真係要啲時間重拾狀態。如果有當打時的法卡奧，「天使」助攻無咁靚佢都照有波入啦！所以接下來呢幾個月法卡奧嘅表現真係好重要，一方面佢要避免自己再走下坡；另一方面佢入球數字平穩咗，對曼聯的成績都好重要；更重要就係，如果佢要留在奧脫福，依家嘅水準同表現真係唔多夠，仲要有個遠在天邊、搶緊表現嘅小豆外借未返(拿拿拿，話口未完佢又為墨西哥國家隊入波喇！)，能唔能夠說服曼聯買斷佢就睇呢幾個月喇。
要「達標」奪回歐聯資格，另一件事就要睇新仔表現！盧祖長唞、卡域克又傷、伊雲斯以及菲爾鍾斯又未得、史摩寧又唔穩陣，曼聯中堅就只可以寄望兩位小將麥尼亞同布力基…布力基已經好多場無出，無辦法講太多；不過19歲仔的麥尼亞就唔係咁講喇！後生就後生咗啲，不過佢近排好多場都被委以重任，穩陣程度竟然比伊雲斯有過之而無不及，尤其係對住英超對手龐大壓力佢都可以打得出水準，由後場運球上中前場都幾冷靜，真係唔講得少！一月你話增唔增到兵？唔好講咁遠，有無人幫手過聖誕快車都成問題嘅時候，係唔係寧願佢同布力基打起咗，情況更好呢？
暫時到今日為止，呢幾位嘅表現對曼聯嘅未來非常重要，不過當然仲有靴里拉呀、朗尼、雲佩斯都好重要啦！佢哋呢排水準都係麻麻架咋，不過成績唔好、烏紗不保，睇嚟都未排到佢哋咁解架咋…
首先，係狀態有啲下滑嘅「天使」迪馬利亞，究竟會唔會成為奧斯爾第二，打出個虎頭然後變蛇尾，大跌watt呢？答案係，筆者都唔知。不諱言，曼聯依家的創造力9成都來自迪馬利亞，好多時都太依賴佢，呢個絕對唔係好事，一方面佢真係繼續跌watt就弊傢伙；更重要的是佢越打得差，大家俾佢嘅壓力就越大，於是就適得其反…所以，打起曼聯，關鍵唔係「天使」，而係其他球員。好似馬達咁，佢上仗表現出色，下場比賽如果有正選，對手一定會駐兵防佢，咁迪馬利亞就會多啲空間進攻了。條數就係咁簡單，越多球員上力，對手就越疲於奔命；「天使」壓力細咗，自然無跌得咁快啦！你睇，阿根廷國家隊都要有阿古路、美斯，咁先係「平衡」嘛！
講到呢到，當然要提法卡奧啦！因傷無得打世盃、加上在摩洛哥經歷了一個迷失球季，「老虎」都真係要啲時間重拾狀態。如果有當打時的法卡奧，「天使」助攻無咁靚佢都照有波入啦！所以接下來呢幾個月法卡奧嘅表現真係好重要，一方面佢要避免自己再走下坡；另一方面佢入球數字平穩咗，對曼聯的成績都好重要；更重要就係，如果佢要留在奧脫福，依家嘅水準同表現真係唔多夠，仲要有個遠在天邊、搶緊表現嘅小豆外借未返(拿拿拿，話口未完佢又為墨西哥國家隊入波喇！)，能唔能夠說服曼聯買斷佢就睇呢幾個月喇。
要「達標」奪回歐聯資格，另一件事就要睇新仔表現！盧祖長唞、卡域克又傷、伊雲斯以及菲爾鍾斯又未得、史摩寧又唔穩陣，曼聯中堅就只可以寄望兩位小將麥尼亞同布力基…布力基已經好多場無出，無辦法講太多；不過19歲仔的麥尼亞就唔係咁講喇！後生就後生咗啲，不過佢近排好多場都被委以重任，穩陣程度竟然比伊雲斯有過之而無不及，尤其係對住英超對手龐大壓力佢都可以打得出水準，由後場運球上中前場都幾冷靜，真係唔講得少！一月你話增唔增到兵？唔好講咁遠，有無人幫手過聖誕快車都成問題嘅時候，係唔係寧願佢同布力基打起咗，情況更好呢？
暫時到今日為止，呢幾位嘅表現對曼聯嘅未來非常重要，不過當然仲有靴里拉呀、朗尼、雲佩斯都好重要啦！佢哋呢排水準都係麻麻架咋，不過成績唔好、烏紗不保，睇嚟都未排到佢哋咁解架咋…
請按此登錄後留言。未成為會員? 立即註冊