傳雲高爾1月轉會窗唔買人?

曼聯專區 於 07/11/2014 發表 收藏文章
曼聯輸俾曼城之後,聯賽排名已經跌到去第10位,由開季至今大家都一早講到曼聯要晌後衛位置上加入人手,之不過日前英國《衛報》指出,雲高爾原來無打算晌1月轉會市場入面簽人,而係準備晌明年夏天先全力用錢去買心儀球星。

曼聯今季目標係爭前四、重返歐聯比賽,好明顯目前對呢個目標有好大壓力, 早前《衛報》已經確認加拉沙家族已經準備好資金,只要雲高爾一月要買人,盲一定有錢可洗,但雲帥就唔係好想咁心急買人,而且佢認為球隊依家情況都已經改善緊,認為唔需要心急買人。

另外,雲高爾深信只要買啱人,就唔怕貴價,況且夏攻已經洗咗1.5億英鎊收購7名新援,相信雲高爾會繼續奉行呢一個政策,相對嚟講,一月轉會窗收購巨星比較唔現實,多數球會都會將目標叫高價,令雲帥希望等到明夏先大展拳腳。

講到夏季收購目標,當然有一個就係法卡奧喇,之不過早前英國《每日郵報》報導,雲高爾擔心法卡奧唔可以承受英超體力化踢法,所以想觀察過後,睇下表現有無改善同適應有關踢法後,先再作決定,睇下今夏出唔出價將佢買斷。事關雲帥心目中係想今夏簽入一名具質素前鋒,先不過金錢唔可以用作買完法卡奧後,再買一名球員,所以只可以揀法卡奧,一係就放棄佢後再搵一名新前鋒。
標籤: 雲高爾  曼聯  

留言


請按此登錄後留言。未成為會員? 立即註冊
  • vv11716 於 07/11/2014 評論 NO. 1

    之前洗咁多一D成績都交唔到出黎 老細更係唔放水啦

快捷鍵:←
快捷鍵:→