鬥「次數」傑斯都會輸？ 精選

如果你同傑斯鬥，鬥身高、鬥重量、鬥入波數字都可能鬥得贏，不過竟然有人可以在上陣嘅比賽數字上鬥贏佢就真係幾特別！

咁都贏傑斯嘅呢位人兄大家一啲都唔會陌生，因為佢就係巴甲聖保羅門將羅渣里奧！雖然贏得有啲取巧，不過都算過咗傑斯頭架！今次計嘅係為同一球會上陣嘅勝仗最多！傑斯在曼聯打過589場勝仗，而41歲嘅羅渣里奧就剛剛攞到第590場勝仗！輸俾羅渣里奧喇WOR，傑斯唔會唔開心嘅！

提到羅渣里奧，佢另一個為人所熟知嘅就係佢以123球入球冠絕所有龍門，12碼、自由球都有佢份，不過離開168球入球嘅傑斯仲有一啲距離架！而傑斯呢個紀錄雖然被超越，不過仲有英超上陣次數最多、英超助攻最多、歐聯上陣次數最多幾個紀錄，要破哂？睇嚟要啲時間先得噃！https://www.youtube.com/watch?v=CDo58PJMC4s羅渣里奧第123球入球！