丹尼爾下季成「魔」兵？ 精選

巴塞隆拿後衛丹尼爾季尾就會變身自由身，由於巴塞方面至今都無向佢提供新約，早前佢已經開腔講到明來季會離開巴塞，而且將會轉戰英超，呢個消息一出，即時傳出利物浦、車路士、曼城、阿仙奴以及曼聯等其他球員有興趣簽入呢名31歲巴西後衛，而日前丹尼爾最終落腳站終於揭曉，就係紅魔鬼曼聯。日前丹尼爾經理人加拉度就證實，呢名巴塞隆拿後衛已同曼聯達成初步加盟協議，來季將成為紅魔一份子。

丹尼爾經理人就話喇「丹尼爾將會離開巴塞隆拿，佢已經同曼聯簽咗一份初步協議書，丹尼爾晌完成呢個球季後，將會投身奧脫福。」

31歲的丹尼爾晌08年由西維爾轉投巴塞，已經為巴塞效力7個球季，一共上陣過304場入20球，而呢名巴西後衛亦曾74次代表過巴西國家隊上陣，入6球。

一齊睇下丹尼爾過往晌巴塞嘅助攻喇...
http://www.youtube.com/watch?v=cBvaXMlpQbw