靴里拉：曼聯盡收天下三大最強神兵 精選

哇靴里拉你咁講，係指邊個先？世上最強三大前鋒，會有咩特別呢？大家聽下佢講先：「我想試下入多啲波，入波對中場球員而言好重要。我喜歡助攻，最重要係我哋隊中有世界上最好的三名前鋒在陣。佢哋就係朗尼、雲佩斯同法卡奧喇！馬達、迪馬利亞、贊奴沙、白蘭特、費查同我都會盡力協助佢哋入波！」

大家一定否定唔到佢，因為呢三位過去嘅數據太恐怖喇！朗尼至今攻入219球，是曼聯史上第三多入球的球員，只是差卜比sir 30個入波咋！雲佩斯呢？在荷蘭國家隊攻入48球，而且是2011年、2013年的英超神射手。法卡奧？204場比賽攻入156球，其入球率絕對是歐洲最頂級的。矛頭就夠尖喇，不過供應呢？
呢一點大家都唔駛擔心，因為靴里拉都提過嘅迪馬利亞都非常恐怖，到了英超的5場比賽中已經有3入球3助攻，上季在皇馬入波唔多只有4球，不過正選上陣27場比賽有17個助攻，佢絕對係球隊的供應來源！靴里拉自己其實都可圈可點，上季31場上陣的賽事攻入5球、助攻5球，都有機會再進步架！只要唔好亂、唔好驚、唔好怯，打返個組織出嚟，加固啲防守，一定可以打好啲架！俾啲信心佢哋啦！