爵爺：我第一次12月有假放！ 精選

咁古怪嘅？爵爺退休之後、莫耶斯上位嘅一年爵爺應該好得閒先係架？不過睇嚟佢上年真係無假放，因為佢依家喺阿聯酋度緊假，仲咁講：「我成世人第一次12月放假！我在阿布札比的游泳池同我老婆講，我唔係應該身在卡靈頓嘅咩？？」睇嚟佢都幾掛住曼聯噃！

不過佢就話自己可以放心放假，因為佢對雲高爾好有信心！其實雲帥上任之後爵爺都未開腔講過咩，不過佢一開口就話佢好認同雲帥：「雲高爾對曼聯作出了好多改變，你應該咁諗，佢嘅舉措可能係啱嘅，清枱、建立自己的隊伍，佢有咁嘅經驗同埋執教能力去完成呢件事。佢嘅方法，我認為係非常卓越。」
用咗1億5000千萬買入法卡奧、天使等人；放走14個球員之後，雲高爾的曼聯仍然面對後防的重大問題，尤其係5:3被李城反勝的一仗更是影響軍心，雖然在擊敗愛華頓、韋斯咸之後重回榜首四名之內，不過紅魔的隱患…唔應該係叫「隱患」，因為問題真係幾明顯…跌跌撞撞的情況下，曼聯係唔係真係可以重回歐洲戰場呢？