加利仔：你哋「心太軟」了 精選

輸波大家都唔開心；被判一個冤枉12碼，更加唔開心，不過最唔開心，係一班紅魔鬼好似開始上力，不過被一棍打沉…而加利仔，就認為大家太唔硬淨喇！

佢咁講：「其實佢哋比起12個月前已經打得好咗好多，係一件好事。不過上半場每一腳高空波最後都係會落入對手腳上，無論係一傳好、二傳好，而下半場有一個不利的判決，然而呢個唔係藉口。大家都太軟了，唔夠硬淨。你睇車仔對曼城就知，每一次哥斯達攞波都會文加拉緊纏，而相反卡希爾同泰利都會緊纏對手。我認為，曼聯的中場三人加上後衛四人都係被對手蝦咗成場比賽。占美華迪、荷西烏路亞都令曼聯疲於奔命，佢哋唔係打複雜足球嘅人，亦唔係打出世界級足球，佢哋只係夠勤力而已。好努力，加上一點兒腳法，就令曼聯無法應付佢哋體力化嘅踢法。防守的組織是後話，問題係紅魔將士要有競爭性啲，要在50、50的爭逐之中爭贏。依家太弱了。」
佢仲講出，真正的防守應該要點：「你要好有身體抗性，你要在對手前面企硬，你要贏頭槌爭逐，你要鏟贏對手，令對方得不到任何的甜頭。李斯特城得到太多的鼓勵了，在上半場曼聯已經鼓勵對手去搶自己波。對李城係一場好好的測試。」依家嘅曼聯有好多嘢要調整，前線的級數夠，好好夾下默契應該就無咩問題；最大的弱點，一定係中後場嘅球員點樣可以打得硬淨啲。