「根本唔信我」系列:小豆

曼聯專區 於 20/09/2014 發表 收藏文章
鞭屍嘅人,除咗里奧同香川之後又嚟多一個,今次到小豆!佢今次講到自己外借的原因與曼聯不能給予足夠的信心有關:「我認為佢哋對我無信心。我好有耐性等,亦係我點解會身在班拿貝的原因。上年真係好難過的一年,難過係因為佢哋根本唔信任我。安察洛堤仍是車路士領隊時我已經見過佢,佢對球員的信任令我心折,咁就已經俾我好大動力同令我更努力。我真係好想喺呢一度留耐啲,每個球員都希望可以加盟皇馬。我知我在這裡是有原因的,過去的數據都指出我是一個好球員、同一個好仔。」

咁又真係難怪小豆唔開心,佢嚟到曼聯第一季已經攻入13球(當年仲有韋碧克一季入12球!)而經歷呢一年之後佢就被投閒置散,上季更只有6次正選的機會,最後更被外借到皇馬,成為賓斯馬的後備人選。不過唔好話佢啦,就連香川,其實都有大量的球迷支持,不過佢哋身在曼聯時又真係唔係幾打得出身價,就以小豆而言,佢嘅走位同入楔極為靈活同準確,但係論速度、論保護皮球的能力,與控球的能力其實都尚有進步空間。在其他隊友可以帶來足夠供應之時小豆確係一位危險人物,不過上屆的曼聯實在自身難保,所謂的供應都是高空大腳斬波,對身體抗性不強的小豆而言實在難以打出水準。

你話小豆仲會唔會返曼聯?佢仲會唔會有機會成為紅魔的殺手之一?其實筆者係仲有信心嘅。好似上面所講,有供應小豆就有威脅,今季的曼聯絕對有一班可怕的助攻王在場,迪馬利亞、靴里拉、馬達、朗尼甚至雲佩斯都是獨到的交波王,加上有白蘭特串連中場,要交出供應絕非難事。而下屆真係可以重回歐戰賽場的話,有多一位前鋒作替補亦未嘗不是好事。所以下年佢會唔會返嚟?小豆迷,唔駛擔心!唔係無可能!
標籤: 小豆  

留言


請按此登錄後留言。未成為會員? 立即註冊
  • HydraJones 於 20/09/2014 評論 NO. 1

    希望明年今日會見到他同C朗再次著上件紅色戰衣

  • Simdin JR 於 24/09/2014 評論 NO. 2

    咁唔通要小豆做死一世後備咩

快捷鍵:←
快捷鍵:→