U21贏新特蘭的二三事 精選

除咗白蘭特，贊奴沙都係呢板近期紅人之一，佢呢排有兩個代表作，一就係對QPR時有得傳中唔傳自己射；另一個代表作就係…在u21對新特蘭的比賽中連中三元。不過呢場波呢，筆者就無打算講佢，而係想提下另外一啲球員！

第一呢，就係大家都可能唔係好記得嘅…安達臣喇！佢都有喺呢場u21比賽入面上陣架，大家唔好以為佢打得差，呢場波佢喺中場走動好多，控波都幾多時間，而且比賽尾段仲有一球中楣波添！你話佢仲有無機會打返入一隊，爭個後備位置打下？筆者都唔敢斷言，不過以佢嘅能力，其實要搵下一個東家其實唔難！希望你有第二春啦安達臣！
第二，就係梳爾喇！6位新援淨係得佢未喺聯賽上過陣，而呢位英格蘭明日左閘之星其實好多球迷都好喜歡！不過雲帥就認為佢唔係好夠fit，要佢操多啲先，而睇落佢嘅苦功都有回報！呢場波佢走上走落非常快速，甚至有助攻！唔係助攻俾贊奴沙，不過助攻彭利拿都係助攻呀！以佢依家嘅態，對李斯特城隨時有得上陣打下！

第三，就係另一位新星Saidy Janko贊高，雖然佢對MK Dons時都有上陣，輸波其實都難辭其疚，不過呢位瑞士球員於呢場波都表現唔錯！其實佢喺u21一直都打得幾好，所以先有機會上嚟打盃賽，當然啦要打贏拉菲爾、華倫西亞爭正選真係有難度，不過佢都叫做係正統右閘，而且都係青訓！布歷基都得，你都得架！
對新特蘭u21陣容：
Amos; Janko, McNair, Vermijl, Shaw (Pearson 46); Thorpe, Anderson (Rothwell 72), A.Pereira, Harrop; Januzaj (Weir 83), W.Keane.
未上陣後備：O'Hara, Grimshaw.
肥安又肥咗XD
http://www.youtube.com/watch?v=81RhekOp7L8唔講，睇囉！贊奴沙精華！