莫帥離隊之後，無一位曼聯球員出現並指出佢嘅問題，佢在位時隊中出現咩情況其實可能永遠成謎。不過老大哥里奧費迪南就打破咗呢個沉默，佢嘅新書入面狠狠咁指責莫帥「唔知自己做緊咩」。
佢書入面咁寫：「莫帥嘗試去引入一個球隊的新願景，不過佢從來都無清晰咁講述過呢個願景係咩。無心插柳的情況下，目標混迷令我哋成隊人陷入一個消極的氣氛之中。在爵爺的麾下，佢總係令我哋有正能量，而莫帥就係慢慢令我哋迷失。我唔享受佢嘅領導。有時我哋嘅主要戰術係斬波，要斬得遠、斬得高，要大斜角咁斬。真係令人好尷尬，對富咸時斬咗81腳，我不禁諗：『搞咩呀？我哋又無卡路爾在陣中！』」
而二人交惡的其中一件事，可能係莫帥「羞辱」了里奧。事件在對拜仁的歐聯賽事入面發生，莫帥在一眾球員面前話唔用里奧，因為佢要防守線上有更快的速度。里奧真係好唔開心：「呢句說話殺咗我。我真係好想大叫同捉住佢，不過因為我哋要以團隊為重，我只可以咬實牙關唔出聲。我喺曼聯咁耐，呢一刻係我最難受的一刻。我從未被摒除於任何大賽之外，更加唔好話在大庭廣眾之下被摒棄。」
呢一刻，莫帥同里奧都不在陣中，講呢啲可能無咩用，不過好明顯莫帥對曼聯陣中的負面影響一直都在，球員在境外踢波猶自可，一返到奧脫福、一見返咁上下人腳，啲負面影響又出哂嚟，開季幾場的推進緩慢、無精打采與上季可謂如出一轍。好在曼聯有新面孔，又好在有新帥雲高爾，如果唔係曼聯的負能量可能一直都在…所以，好一場4:0，是時候真真正正把莫帥的年代成為過去式了。原來你咁慘...
佢書入面咁寫：「莫帥嘗試去引入一個球隊的新願景，不過佢從來都無清晰咁講述過呢個願景係咩。無心插柳的情況下，目標混迷令我哋成隊人陷入一個消極的氣氛之中。在爵爺的麾下，佢總係令我哋有正能量，而莫帥就係慢慢令我哋迷失。我唔享受佢嘅領導。有時我哋嘅主要戰術係斬波，要斬得遠、斬得高，要大斜角咁斬。真係令人好尷尬，對富咸時斬咗81腳，我不禁諗：『搞咩呀？我哋又無卡路爾在陣中！』」
而二人交惡的其中一件事，可能係莫帥「羞辱」了里奧。事件在對拜仁的歐聯賽事入面發生，莫帥在一眾球員面前話唔用里奧，因為佢要防守線上有更快的速度。里奧真係好唔開心：「呢句說話殺咗我。我真係好想大叫同捉住佢，不過因為我哋要以團隊為重，我只可以咬實牙關唔出聲。我喺曼聯咁耐，呢一刻係我最難受的一刻。我從未被摒除於任何大賽之外，更加唔好話在大庭廣眾之下被摒棄。」
呢一刻，莫帥同里奧都不在陣中，講呢啲可能無咩用，不過好明顯莫帥對曼聯陣中的負面影響一直都在，球員在境外踢波猶自可，一返到奧脫福、一見返咁上下人腳，啲負面影響又出哂嚟，開季幾場的推進緩慢、無精打采與上季可謂如出一轍。好在曼聯有新面孔，又好在有新帥雲高爾，如果唔係曼聯的負能量可能一直都在…所以，好一場4:0，是時候真真正正把莫帥的年代成為過去式了。原來你咁慘...
請按此登錄後留言。未成為會員? 立即註冊