C朗：總有一日，我會回曼聯 精選

如果在現役的球員入面，搵一位「根正苗紅」的紅魔鬼，除咗朗尼之外一定要數「曼聯親生仔」c朗！佢對曼聯有幾情深我諗大家都睇得出，如果卡卡在足球生涯完結之前死都一定要返AC踢波；咁c朗話佢要在足球生涯完結之前一定要返曼聯踢波，大家都一定會信。而佢最近又講多一次，真係「講」多一次…

佢咁講：「我愛曼聯，大家都知道，我講過好多次。曼聯就是我的心，我有很多好朋友在曼聯，支持者亦好得人鍾意，我真係希望有一日我會返奧脫福踢波。可以在皇馬踢多四年真係幾開心，不過未來無人知，曼聯嘅人對我有幾好真係令人難以置信。我真係好愛身在曼聯的感覺。信我，佢哋一定會變返勁，我好肯定。佢哋係偉大球隊。」
曼聯家下一團混亂，雖然有強大新球員加盟，不過要打返出水準睇嚟要好長時間磨合，不過c朗就好有信心：「咩都可能發生，好嘅時候、壞嘅時候，都會。曼聯現在是困難時候，上季好難挨，今季開季都打得唔好。不過佢哋買咗天使同法卡奧，隊伍會變得更好。我想睇佢哋變好，因為佢哋好出色，值得贏。法卡奧簽得好好，佢係一位好球員。」

4年約，到時c朗就會係33歲，到時佢會唔會真係返嚟曼聯？自由身加盟？定係呢兩年雲高爾的皇朝已經建立，佢會早啲回巢？定係其實佢都真係講下，最後都唔會好似卡卡返AC咁，返曼聯打返幾年先掛靴？呢個，真係「天使」都唔知答案喇…
I am the king of the world!