雲佩斯：我受傷？大家都幾好想像力！ 精選

大家都聽好多傳言，話曼聯之所以要買法卡奧係因為雲師兄膝傷要做手術長抖云云，不過佢就同fox sports透露，自己一啲傷都無！佢咁講：「我真的被打動了，點解啲人可以咁有想像力，『發明』我受傷呢種原因去合理化曼聯買法卡奧！我唔知消息邊到嚟啦，不過我可以好真心講，我唔駛入醫院做手術囉。」

面對法卡奧200場波155個入波嘅大挑戰，雲師兄一啲都未驚過：「我歡迎法卡奧都嚟唔切啦，佢令我哋變得更好。在最好的球隊中，你總要努力做到最好，呢個亦係我嘅哲學。法卡奧要爭正選位，我都要，朗尼、占士威爾遜都要爭，睇下邊個有得正選。」
相比之下，雲師兄2季入48球雖然都好勁，不過比起法卡奧的多產就真係有啲距離！佢同法卡奧今季都未正式入過波啦，唔知兩大神鋒會點鬥法呢？最好就鬥到難分難解，場場都入3、5、7球啦！