菲臘仔：市場上無好後衛可買 精選

法卡奧成魔當然仲係城中熱話，而菲臘仔就接受咗BBC訪問，講咗佢嘅一啲睇法！

菲臘仔：法卡奧真係橫空出世！我諗之前無人認為佢會去曼聯。呢個係一個令人”wow”的轉會交易！
記者：咁雲高爾應唔應該加強其他位置？
菲臘仔：佢哋要一個後衛同一個中場，不過法卡奧係一個世界級球員。曼聯可以在市場上搵到咩後衛？真係無咩選擇。我唔認為有好質素的後衛在市場中，你看到歐洲足球的防守就會知道。從前我個個星期都到處去做球探工作，文加拉、華美倫同曉姆斯都看過。文加拉最後去咗曼城，佢年輕、快速，不過只係法國國家隊的第四後衛。佢有潛質，不過3200萬鎊其實唔值。曉姆斯是多蒙特的隊長，多蒙特稱佢唔會離開。而華美倫，佢去咗巴塞。所以，盧祖就出現了。佢可能係我哋嘅第二好嘅選擇。
記者：買法卡奧係唔係身在「買人需要」嘅恐慌之下買入？
菲臘仔：我知佢係去曼徹斯特，不過當時我估唔係曼聯。我諗最後係曼城買到。曼聯根本唔需要急於買人，佢哋要嘅係世界級球員。法卡奧係世界級，所以球迷應該好開心先係。當然啦，佢成魔嘅連鎖效應都好大，小豆去咗皇馬、韋碧克去咗阿仙奴。
法卡奧去英超係一個好現象，我哋無咗阿蘇，無咗巴利，令人會諗西甲、德甲係唔係好過英超。但係我哋證明咗我哋仍然係世上最好的聯賽，最好的球員都來英國。」

記者：雲帥會唔會繼續用3後衛？
菲臘仔：我諗佢會用返3後衛，佢喜歡教球員用佢自己一套嘅系統，亦希望證明3後衛可以贏得英超。白蘭特係一個好球員，佢可以打好多位置，而雲高爾對佢嘅信任都好大。佢可以打左閘、左翼衛、同中場，而且一早已經適應了雲帥的足球哲學。3後衛其實說服到我，球會歷史係用開4後衛，但係雲帥想建立自己嘅系統，而佢嘅買人政策亦睇得出佢想打3後衛。

記者：驚唔驚馬達無得打？
菲臘仔：我唔認為。不過因為曼聯無得打歐洲賽，可能佢嘅上陣時間會少咗(即係你認為佢會無得打啦 T^T)。

記者：法卡奧會為曼聯帶來咩？
菲臘仔：有人話佢對曼聯無用，不過曼聯的哲學就係攻擊同入波。所以，大家唔駛擔心入球數字了。

記者：呢一年轉會的「最後瘋狂」，是不是爵爺離開之後曼聯的轉會方向已經改變？
菲臘仔：唔係啦。好多轉會一早都已經準備緊，就算莫耶斯仲在隊，都一樣會簽呢幾位球員。無錯，有啲新球員並不在我們的觀察之中，不過佢哋係雲高爾按自己嘅系統同哲學選擇的。白蘭特、盧祖同迪馬利亞係佢嘅主意，不過其他人就係曼聯一直都努力搵緊嘅。梳爾好有潛力，佢將會係英國甚至歐洲最好的左後衛。而靴里拉我哋睇咗2,30次，佢之後會是西班牙的主力中場。佢哋年輕，而且好適合球會的哲學，所以我唔認為新帥令佢哋嘅加盟有所改變。」
馬達：我真係無得打？其實老虎都跌咗啲watt，要快啲打返起！