萬人迷:韋碧克走咗好傷心

曼聯專區 於 03/09/2014 發表 收藏文章
韋大帝同碧咸、傑斯一樣,都係曼聯青年軍出身,對於一樣都係「紅褲仔」出身嘅韋碧克離隊「當兵」,碧咸有好大感觸:「阿仙奴得到一位很好、很有潛質的英格蘭球員。看到他離開真的很傷心,佢8歲就嚟到曼聯,佢嘅心都在曼聯。」韋碧克2008年打佢嘅第一場比賽,正選上陣53場英超、另外有39場後備上陣,不過佢同萬人迷應該就有見過面嘅,因為佢01年已經在青年軍,碧咸要03年先走。

而對佢嘅離隊表示高興的其實亦大不乏人,英格蘭主帥鶴臣認為離開對佢有好處:「離開對韋碧克的得著最大。就算你是一位有能力的球員,你會發現在曼聯要面對龐大的競爭,你可以預期自己無咩正選機會。佢依家去到一個球會可以有更多上陣時間。」無計啦,對於法卡奧、雲佩斯同朗尼,韋大帝真係無咩機會可以上陣。希望呢個決定對大家都好啦!

嚟到呢到,小豆、沙夏、軒歷基斯、蘭尼都外借,韋大帝、香川離隊,曼聯的正前鋒其實得返法卡奧、雲佩斯同朗尼,仲有青訓產品占士威爾遜同W堅尼,如果有咩傷疲其實都幾危險,不過好就好在都仲有迪馬利亞、馬達、贊奴沙等等攻擊球員,有需要就轉打單箭頭都仲得。呢個好明顯就合乎雲帥一開始講,既然咩歐戰都無,戰線少咗,其實都無需要留咁多球員在隊…所以,韋碧克的離隊除咗係要收返啲啲錢補返「大駛咗」嘅結果之外,隨時係無歐聯踢引致嘅結果…

http://www.youtube.com/watch?v=TJq_BlA_qck
標籤: 韋碧克  碧咸  

留言


請按此登錄後留言。未成為會員? 立即註冊
    快捷鍵:←
    快捷鍵:→