老老實實，筆者到依家都有啲暈暈哋，最後一日轉會窗的混迷真是令人喘不過氣。當然，最令人意外的當然是「老虎」法卡奧的突然來臨，仲有韋大帝的突然「成兵」。連同迪馬利亞的轉會，好多球迷同好多傳媒都認為買唔啱人、頭痛醫腳、無對症下藥，其實連筆者自己都曾經講過唔知買迪馬利亞的實際用途在哪。其實呢啲問題，在上仗對般尼的比賽已經表露無遺。
「天使」的第一仗表現真係幾可圈可點，佢為雲佩斯創造的機會不可謂不少，而自己亦可以突破、可以長傳，是非常強大的攻擊球員，當然佢未能完全發揮身為天生翼鋒的強大能力，不過對依家曼聯欠缺創造力的情況下，佢都交到啲功課。然而有佢在陣，馬達就打得更後，佢嘅創造力亦被封殺，這令人懷疑有無必要置如此多的攻擊球員。而當大家都認為要買中後防球員時，曼聯再投下兩個震撼彈，韋碧克後備上陣時的曼聯其實多咗活力同生氣，點知一個唔該就去咗阿仙奴，連俾佢再跑下嘅機會都無。而在朗尼、雲佩斯在陣的情況下，買入法卡奧亦令人有點「位置重複」的感覺。外國球迷更有不少揶揄曼聯有前無後、打死罷就的惡搞。
但係諗深一層，曼聯嘅鋒線係唔係真係咁強？其實早在莫耶斯年代，佢已經希望買入卡雲尼，可見佢其實信唔得過2R組合。朗尼的入波唔穩定，雲佩斯的入波好睇隊友的供應，其實要佢哋啞火真係一啲都唔難。莫帥引入馬達，其實就係要為雲佩斯提供多啲供應，同時佢自己亦可以提供一定數量的入球。好不幸2R的入球問題並未解決，就連馬達好似都啞火埋一份。所以，置入天使變相就係激活前面鐵三角的一著，呢一著筆者都明。而法卡奧就係穩定入球的來源，呢個亦可以理解。更重要嘅係，幾可見到市場上面「有貨」先？呢啲世界級球員可遇不可求，有得買，唔通唔買？蘇州過後無艇搭，唔通要法比加斯同奧斯爾咁，「坐定定喺到，咩都唔駛做」等佢哋去對家？
同一個道理，六叔七嬸都知曼聯急要中場、後衛，不過市場上面「無貨」，你又可以點？撼動了維達爾成個球季都「無得郁」；曉姆斯非不想買，不能買也。世界級的中場球員、防守中場真係唔多，又有幾個人會預計到沙比阿朗素「突然可買」？而且就算有得你買，又會唔會出手買一位已達高鋒，隨時下滑的防中？一次過可以買到迪馬利亞、法卡奧、靴里拉、白蘭特、梳爾幾位有質素的球員，有得買？唔通真係唔買？點樣排陣當然非常非常重要，不過連球員都無喺手，可以排咩？
講到呢到，筆者都睇開咗啲，然而心最酸的，是點解要賣韋碧克…呢個，真係百思不得其解…
韋大帝...T^T
「天使」的第一仗表現真係幾可圈可點，佢為雲佩斯創造的機會不可謂不少，而自己亦可以突破、可以長傳，是非常強大的攻擊球員，當然佢未能完全發揮身為天生翼鋒的強大能力，不過對依家曼聯欠缺創造力的情況下，佢都交到啲功課。然而有佢在陣，馬達就打得更後，佢嘅創造力亦被封殺，這令人懷疑有無必要置如此多的攻擊球員。而當大家都認為要買中後防球員時，曼聯再投下兩個震撼彈，韋碧克後備上陣時的曼聯其實多咗活力同生氣，點知一個唔該就去咗阿仙奴，連俾佢再跑下嘅機會都無。而在朗尼、雲佩斯在陣的情況下，買入法卡奧亦令人有點「位置重複」的感覺。外國球迷更有不少揶揄曼聯有前無後、打死罷就的惡搞。
但係諗深一層，曼聯嘅鋒線係唔係真係咁強？其實早在莫耶斯年代，佢已經希望買入卡雲尼，可見佢其實信唔得過2R組合。朗尼的入波唔穩定，雲佩斯的入波好睇隊友的供應，其實要佢哋啞火真係一啲都唔難。莫帥引入馬達，其實就係要為雲佩斯提供多啲供應，同時佢自己亦可以提供一定數量的入球。好不幸2R的入球問題並未解決，就連馬達好似都啞火埋一份。所以，置入天使變相就係激活前面鐵三角的一著，呢一著筆者都明。而法卡奧就係穩定入球的來源，呢個亦可以理解。更重要嘅係，幾可見到市場上面「有貨」先？呢啲世界級球員可遇不可求，有得買，唔通唔買？蘇州過後無艇搭，唔通要法比加斯同奧斯爾咁，「坐定定喺到，咩都唔駛做」等佢哋去對家？
同一個道理，六叔七嬸都知曼聯急要中場、後衛，不過市場上面「無貨」，你又可以點？撼動了維達爾成個球季都「無得郁」；曉姆斯非不想買，不能買也。世界級的中場球員、防守中場真係唔多，又有幾個人會預計到沙比阿朗素「突然可買」？而且就算有得你買，又會唔會出手買一位已達高鋒，隨時下滑的防中？一次過可以買到迪馬利亞、法卡奧、靴里拉、白蘭特、梳爾幾位有質素的球員，有得買？唔通真係唔買？點樣排陣當然非常非常重要，不過連球員都無喺手，可以排咩？
講到呢到，筆者都睇開咗啲，然而心最酸的，是點解要賣韋碧克…呢個，真係百思不得其解…
韋大帝...T^T
請按此登錄後留言。未成為會員? 立即註冊