Skysports：華美倫愛魔唔要「塞」 精選

當里奧同維迪離隊之後，曼聯人腳最缺的一定是後防，特別係轉打352的陣式之後要用到三個中堅，後衛真係越來越唔見駛。史摩寧、鍾斯、伊雲斯可能已經係常用的中堅，不過經驗又好、板凳深度又好，單單呢三位魔將都只係僅僅夠用。呢個時候，曉姆斯成魔的新聞雖然慢慢沉寂，另一位「緋聞球員」華美倫又出返嚟！

28歲的「廠長」華美倫係阿仙奴的隊長，不過佢已經失去正選之位，上季只係,正選上陣7次聯賽賽事，俾梅迪薩卡、哥斯尼邊緣化。而雲加自己亦話，自己都唔肯定華美倫會否離隊，進入合約最後一年嘅佢，好大可能喺今夏被offload。而傳聞中，巴塞隆拿已經出價1000萬英鎊希望買走佢，而將自己嘅將領賣去國外當然係最好的選擇。
不過skysports就透露，華美倫自己就唔係好想去巴塞，反而對曼聯的垂青非常開心，而曼聯在財力上亦絕不成問題，要擊敗巴塞可謂易如反掌。傳聞中紅魔鬼已經準備好1200萬鎊將佢帶去奧脫福，如果成事的話又會有另一位阿仙奴隊長投魔！如果以過渡的心態去睇，華美倫的經驗同能力其實都唔差，佢嚟到絕對有機會統馭曼聯的後防線。你又想唔想兩位阿仙奴的隊長在曼聯再聚呢？
佢會唔會由歐洲紅魔打到去英國紅魔呢？佢係Polly Parsons，可能華美倫成唔成魔佢都有say，因為佢係華美倫女朋友仔！