一切由訓練場革新開始 精選

曼聯的改變已經開始了，由訓練場開始，所有嘅嘢都唔同哂！change，有咩改變咗？大家應該都聽唔少，好似陣中人人只可以講英文以加強溝通、要一班球員一定要一齊食午餐，了解大家；食飯枱唔准用方枱，要用圓枱易啲傾計等等。而最新的舉措，係安裝大量的HD攝影機！唔通佢有特殊癖好…？

我知我知，呢句太無聊…不過呢啲新攝影機功用真係有啲特別，你聽下伊雲斯點講：「依家嘅訓練場好講究、好細緻，佢哋用咗幾千鎊喺訓練場的改裝上面，大家都見到周圍都有HD攝影機。於是，人人在場上都被睇到實。好多球隊都有呢種設置，不過我認為我哋用得更仔細。佢(雲帥)會大叫：『你應該在右邊5碼出現先啱！』所有嘢都係即時發生、立即見效，好live。莫帥都有叫我哋睇返錄影帶，所以唔算得上好陌生，不過現在所有嘢更加仔細。咁樣被審視人人都係第一次，不過見到成效所以我哋無咩異議。呢個係雲帥俾我哋嘅標準，由入訓練場著咩衫開始，到一大班人一齊食飯都有規有矩。如果你在訓練場上做得好，佢係第一個走埋嚟祝賀你嘅人；當然，做錯的話佢亦會第一時間指出來。」
所謂見微知著，雲帥在訓練場上都一絲不苟，對於球員的進步而言非常重要。喺球場上面，一兩碼的距離可能就係勝負的距離，踢波嘅時候總係會出現一啲戲謔：「隻腳長啲咪掂到個波囉！」「你跳得高兩寸嘅話，頭槌入咗啦！」依家雲帥當然唔係要一班球員練長對腳，而係要佢哋走位正確、交波準繩，以補「腿短頸唔夠長」的不足。做人好似佢咁嚴謹，行先其他人一兩步真係唔出奇！
練呀~肥仔，唔好hea！
做人要笑！