靴里拉：「佢」係我最想學嘅球員！ 精選

曼聯對銀河的比賽之中，有唔少靚交波嘅靴里拉成為比賽最佳球員，佢喺比賽之後接受訪問，講咗好多佢中意嘅球員，不過佢最想學嘅究竟係邊個呢？

佢首先帶大家去勻全世界先：「我哋唔難見到世上最好的球員踢波，好似我就成日睇簡東拿、施丹比賽，而薩拉戈薩時期嘅普耶我都成日睇，佢依家做埋新特蘭領隊添！我好喜歡簡東拿的性格，佢係一個勝利者，不斷努力，永遠唔會放棄任何一腳波，永遠朝向勝利邁進。曼聯的球員都有同樣的性格，我哋總係想贏波，想為支持者打得更好，呢啲都係簡大帝的性格。當然啦，大家都各有特質，好似簡大帝有，傑斯有，碧咸有，c朗都有。曼聯唔單止係好球員的匯集地方，更加係好員工的集中地，大家都努力工作，努力訓練，真係好專業。」
咁講法，睇嚟佢想學簡東拿？大家估錯喇：「依家，我諗我應該要學小白恩尼斯達。唔單止學佢在比賽場上的做法，更要學佢場外做人，因為佢係一個好人。我希望有一日我可以成為同佢差唔多嘅人。」如果你真係做到小白咁，一眾曼迷真係開心都嚟唔切啦！
學小白好喇！做咩學鍾斯啫？？XD仲有，唔好學佢嘅頭髮...