傳艾活華「執包袱」？？返曼市搞轉會啫！ 精選

無錯！傳聞佢真係「執包袱」，不過唔係炒魷，而係喺酒店「執包袱」執埋行李走人，離開美國返曼市！曼聯副主席活華特（Ed Woodward）現在身處美國的洛杉磯，與新任領隊雲高爾及一眾曼聯將士作季前準備，不過曼聯剛剛展開美國季前之旅短短三日佢就執包袱，搞咩先？

曼徹斯特晚報的記者就問過下佢咁急走為咩，艾活華就答得有啲曖昧，只係話「普通事務」。咩普通事務要佢咁急返呢？外間就傳言同紅魔鬼的一下單交易有關。咁即係邊個呀？最大機會，可能係迪華積同曉姆斯雙將！飛燕諾的體育總監雲基爾（Martin van Geel）就好開心之前拉素向迪華積求售時無點頭：「球員要離開其實都好合邏輯，但最好當然係適合球會、適合價錢啦！我好開心無應承拉素的要價，因為真係太低喇。」22歲的迪華積世界盃好似表現麻麻，不過睇數據原來佢嘅攔截數同成功率係全屆最佳！再加上雲帥用慣用熟，真係有機會買架！(仲有噃，雲基爾、雲高爾個名咁似嘅…一睇就知…佢哋……佢哋都係荷蘭人，易話為啦！XD)
而曉姆士喇wor，佢嘅轉會消息都幾突然，可以睇睇呢一篇「艾夫拿遠走 傳曉姆士1600萬鎊成魔」。錢就真係少啲，不過唔好唔記得多蒙特剛剛收購了德國19歲後防小將馬菲亞斯真達（Matthias Ginter），高普都講明佢會直接入一隊，可能係為曉姆士的離隊做準備。

當然啦，上年活華特都試過由澳洲飛返英國處理轉會事宜，當時應該係法比加斯嘅轉會有發展，不過最後都係得一個費蘭尼。12個月之後，活華特再一次急急腳返屋企，手上已經揸住靴里拉、梳爾兩張皇牌，希望佢可以一反上季的狼狽，為大家再增添新球員啦！
yo。等我返嚟主持大局。佢會唔會成為另一位曼聯橙將？
佢都未必唔會嚟架！