有去就有來，艾夫拿已決定轉投意甲班霸祖雲達斯，令紅魔一個夏天失去後防三員大將。不過無破壞又點會有建設？舊嘅唔去新嘅點嚟？好嘅唔嚟點知舊嘅差？呃…遠咗啲，都係回來主題！
艾夫拿就剛剛以120萬鎊(無睇錯，唔係2個零)轉投祖雲達斯，原因都幾耐人尋味，始終佢5月先續咗約。外間有傳係佢老婆喺曼市生活得唔係幾開心，為家人艾夫拿都可以去得幾盡架！佢嘅離隊聲明就咁講：「我諗咗好耐，依家應該係時候離開曼聯喇。對我嚟講，呢個係我職業生涯最重要的決定之一，曼聯將永遠留在我心中。加入曼聯好特別，真係夢想成真架。我一直都話，我加入嘅唔係曼聯咁簡單，而係一個家庭，一個有久遠傳統嘅家。我要好好多謝爵爺，佢令一切變成可能，俾我做隊長。而我最感激嘅當然係球迷，我哋有好多美好時光，一齊舉過好多冠軍獎杯。每次我著上曼聯球衣出場時，就知道自己係為隊徽而戰。我對曼聯的激情將延續，希望曼聯之後獲得更大的成功。」
不過有走自然就有來啦，不過今次就真係誇張咗，因為西班牙馬卡報、英國鏡報都話，德國後防重鎮曉姆士將以1600萬鎊(即2000萬歐元)成魔。係，無睇錯，1600萬鎊，真係抵到爛！睇到呢個價都真係幾難令人相信，有德國的足球網站估計曉姆士最起碼都值3500萬歐元，而且估價仲喺世界盃之前！依家？一定仲貴啦！就連多蒙特的主帥高普都嘲笑一番：「曉姆士去曼聯？轉會費2000萬歐元？一睇就知係垃圾新聞啦！」不過筆者卻認為空穴來風未必無因，如果佢真係叫價4000萬歐元筆者嘅期望可能仲細，因為多蒙特要企硬，真係多多錢都唔會放。不過依家竟然係出乎意料的1600萬鎊，唔排除有啲事情真係發生緊…如果你係記者，喺無可靠消息的情況下講出呢個價，你估總編輯會唔會俾你出街呢？所以，今次筆者真係有啲期待！再見喇艾夫拿！
佢同阿蘇真係冤家路窄架！
至於佢嘅轉會...阿古路表示：唔...係卦.....？？.
艾夫拿就剛剛以120萬鎊(無睇錯，唔係2個零)轉投祖雲達斯，原因都幾耐人尋味，始終佢5月先續咗約。外間有傳係佢老婆喺曼市生活得唔係幾開心，為家人艾夫拿都可以去得幾盡架！佢嘅離隊聲明就咁講：「我諗咗好耐，依家應該係時候離開曼聯喇。對我嚟講，呢個係我職業生涯最重要的決定之一，曼聯將永遠留在我心中。加入曼聯好特別，真係夢想成真架。我一直都話，我加入嘅唔係曼聯咁簡單，而係一個家庭，一個有久遠傳統嘅家。我要好好多謝爵爺，佢令一切變成可能，俾我做隊長。而我最感激嘅當然係球迷，我哋有好多美好時光，一齊舉過好多冠軍獎杯。每次我著上曼聯球衣出場時，就知道自己係為隊徽而戰。我對曼聯的激情將延續，希望曼聯之後獲得更大的成功。」
不過有走自然就有來啦，不過今次就真係誇張咗，因為西班牙馬卡報、英國鏡報都話，德國後防重鎮曉姆士將以1600萬鎊(即2000萬歐元)成魔。係，無睇錯，1600萬鎊，真係抵到爛！睇到呢個價都真係幾難令人相信，有德國的足球網站估計曉姆士最起碼都值3500萬歐元，而且估價仲喺世界盃之前！依家？一定仲貴啦！就連多蒙特的主帥高普都嘲笑一番：「曉姆士去曼聯？轉會費2000萬歐元？一睇就知係垃圾新聞啦！」不過筆者卻認為空穴來風未必無因，如果佢真係叫價4000萬歐元筆者嘅期望可能仲細，因為多蒙特要企硬，真係多多錢都唔會放。不過依家竟然係出乎意料的1600萬鎊，唔排除有啲事情真係發生緊…如果你係記者，喺無可靠消息的情況下講出呢個價，你估總編輯會唔會俾你出街呢？所以，今次筆者真係有啲期待！再見喇艾夫拿！
佢同阿蘇真係冤家路窄架！
至於佢嘅轉會...阿古路表示：唔...係卦.....？？.
請按此登錄後留言。未成為會員? 立即註冊