雲帥正式上任！第一次領訓！ 精選

千呼萬喚，帶領荷蘭勇奪世界盃季軍的雲高爾終於來到奧脫福了！當地周四下午的一個記者會中他正式亮相，第一件事就係同傑斯、艾活華合照喇！之後當然就係見下球員，認識一下球會職員啦！

62歲嘅雲帥馬不停蹄，剛剛完成世界盃的比賽僅四日之後就來到曼聯報到，都未坐暖張櫈就要去美國參加季前熱身賽喇！而雲帥第一次在奧脫福領軍，將會係8月12日對華倫西亞的友賽，16日就英超開鑼！

忙住周圍去的同時，雲帥都要忙下轉會，因為雖然有梳爾、靴里拉加盟，不過一次過無哂里奧、維迪，中堅位置都人腳吃緊架！雖然伊雲斯、鍾斯、史摩寧都可以打中堅，不過外間認為一位有經驗的後防球員係必須嘅！所以睇下佢點搵喇！
依家呢？講多無謂，睇下佢第一次「領訓」短片先啦！仲有靴里拉睇呀！
https://www.youtube.com/watch?v=GOlYCAh63ZM