消失的號碼：7與9 精選

我諗大家都睇過傑斯無意「封印」11號波衫的新聞啦，不過有時唔係會方想唔用，而係有啲號碼真係有好重大的意義，有時背負佢哋真係要好大心理質素先得。而曼聯其實有兩個號碼已經擺咗一段時間無人用過，佢哋就係7同9…究竟佢哋有咩過去？未來又係點？

7號
曼聯7號仔可以話係含金量的保證：大家一定知嘅有c朗、碧咸、奧雲，傳奇人物就有簡大帝簡東拿、白賴仁笠臣（Bryan Robson），同埋曼聯神級戰將佐治貝斯（George Best），真係粒粒都係星！
佐治貝斯雖然生涯入面著11號多啲，不過著7號時都好多建樹架！而呢個號碼好似都幾旺歐洲賽，遠至1968年歐冠盃佐治貝斯一腳收死賓菲加；近至2009年c朗於歐聯一腳踢走車路士，都係7號仔交貨嘅時候！當然啦，不得不提嘅梗係七旋斬碧咸！有佢嘅自由球同長程傳送，真係咩攻勢都要俾佢派牌啦！既方便又快捷！

不過自從華倫西亞不堪壓力放棄咗7號之後，原來呢件波衫已經12個月無人著過架喇！呢個消失的號碼邊個最啱著呢？

曼聯專區估計下季7號人選：
靴里拉
CR7！DB7！
MO7！EC7！
GB7！
9號
呢個號碼代表你係球隊的「得分王」，剛剛去世的名宿史堤芬奴就係身穿9號的表表者，更有「金箭頭」之稱。然而，曼聯的9號仔唔經唔覺已經消失了2年有多！對上一個9號仔係邊個？咪就係入波同外型一樣瀟灑嘅瀟灑哥貝碧托夫囉！

不過呢個波衫號碼對曼聯而言其實都係一個天使魔鬼混合體，因為其中最著名的9號就係慕尼黑空難的生還者湯美泰萊。而同樣都係慕尼黑空難生還者嘅卜比sir卜比查爾頓就在泰萊手中接過呢件沉重的球衣。而紅魔鬼後來亦有令人聞風喪膽嘅前鋒：高爾。

其實我哋有一位非常9號嘅9號仔在隊，不過呢位人兄最後無選擇到象徵皇牌前鋒的號碼，反而係用咗曼聯傳奇後備殺手蘇斯克查嘅20號波衫。無錯，佢就係雲師兄雲佩斯！其實佢一直用20號都唔會有異議，不過今次情況真係有變，因為新帥雲高爾的隊伍之中，雲佩斯正正就係身穿9號。為正名、為延續荷蘭的佳績，佢會唔會轉穿9號呢？呢個就真係要拭目以待喇！
曼聯專區估計下季9號人選：
雲佩斯
瀟灑哥
高爾卜比sir