封印11號？傑斯：唔駛啦！ 精選

「封印」球衣號碼其實喺足球世界都唔少見，有時某啲球星、名宿用個號碼用得耐，球會就會對呢個號碼珍而重之，用來紀念。好似AC米蘭就為咗馬甸尼「封印」咗3號波衫；為咗巴里斯而留起咗6號波衫。阿積士都因為球王告魯夫著過14號，而唔再用呢個號碼。近近哋，韋斯咸都因為卜比摩亞（Bobby Moore）而無再用6號架喇！咁曼聯23年來11號波衫都只得一個人著過，佢就係為曼聯攞過34個錦標嘅傑斯喇！如果紅魔鬼決定為佢「封印」11號，睇嚟無人會反對！

不過，原來真係有人會反對架！就係傑斯自己！佢話：「無錯，好多時都有特殊情況會留起個號碼，不過都係會方自己決定居多。不過我就認為曼聯唔駛咁做喇，因為我哋係傳奇工廠，成日都製造偉大球員！」至於談到邊個可以穿上11號，佢就幽一班球員一默，話要爭11號噃？佢哋一定好大壓力喇！
其實真係唔好講笑，華倫西亞一背負7號波衫，真係壓力大增、大大影響表現，所以有時攞到靚number都未必一定好架！話時話，曼聯11號固然有「封印」的價值，咁7號又點呢？呢個位其實一直都懸空無人敢用囉！其實有無留嘅必要呢？筆者自己私心，如果真係要用7同11，不如俾11號香川著啦，唔係就好大機會花落韋碧克架喇…至於7號喇wor…歷年來曼聯7號都幾靚仔，不如就搵靴里拉著啦！XD
真係好重架呢個號碼！呢句口號，大家一定唔陌生啦！
不過佢都著過...23號架！XD