美國Preseason雲高爾去足！ 精選

新帥雲高爾帶領一隊唔算係「滿天星」嘅荷蘭殺入世界盃四強，無論打冠軍戰定季軍戰都一定要留多幾日架喇！不過唔好以為佢點都會抖抖先歸隊，一完成世界盃佢就去到美國同曼聯會合！所以話，曼聯真係邊個帶都係咁勤力呀！

今次美國之行由7月18日開始，就算打季軍戰都要7月13日先打完，冠軍戰就要14日！雲帥可以話係馬不停蹄唔駛抖，完咗荷蘭的比賽同曼聯tour只係差5日時間！仲要未計舟居勞頓…不過大家又唔駛太擔心佢嘅，話就話7月18起行，不過第一場比賽係7月23日對洛杉磯銀河，所以都有幾日備戰同埋俾佢休息下！而確定咗會隨隊出發嘅，有好早就已經完成世界盃之旅嘅朗尼、馬達、迪基亞同香川真司，而新加盟嘅梳爾同靴里拉都會隨隊！不過雲佩斯就應該會休息一下，預計八月先返到曼聯報到。
完成對銀河的比賽之後，曼聯就會參加International Champions Cup 2014，一齊參加嘅有皇馬啦、曼城、利物浦、米蘭雙雄、羅馬同埋奧林比亞高斯，8隊分成兩邊作賽，所以唔駛對哂嘅，紅魔對手會係26號對紅狼、29號對國米，8月2號對皇馬，都唔係易打架！
仲未見到佢同曼聯logo合照囉！雲師兄你就抖抖先啦！
同人唔同命，朗尼就休息得多過雲師兄好多...不過睇嚟香川應該都會在新曼聯有一定上陣機會。