鶴臣：梳爾係新A高爾！ 精選

梳爾呢一年真係大紅，先係鶴臣帶埋18歲仔嘅佢去到巴西世界盃，為英格蘭於世盃上陣；之後更成為「世上最貴年輕人」之一，以2700萬鎊轉投曼聯，成為雲高爾重組曼聯的重要一步。而鶴臣就對呢位小國腳非常有信心：

「我認為梳爾有極大的潛力，甚至係另一位艾殊利高爾。上仗對哥斯達黎加對佢而言好有用，可以得到好好的經驗。對我們而言，他是一位好駛好用的球員，因佢有無限嘅精力。我在考慮國家隊各人位置時很費心，特別係對梳爾的case，因為選佢入隊與否，直接會影響到艾殊利高爾呢位大家都好喜愛的球員。」
梳爾自己就表示，唔會因為自己身價咁高而有壓力：「加盟曼聯感覺都有啲奇怪，我兩年前先對過佢哋嘅u18隊伍，依家我就係佢哋一隊成員。在修咸頓的日子我學會了處理壓力，所以我可以繼續我學到的，一直進步。我想在perseason已經歸隊，話俾新帥知我有咩能耐。我睇過雲帥帶領的荷蘭，我知佢喜歡打進攻足球，左右閘攻擊力好強。我自己都好鍾意後上助攻，所以好期待同雲帥合作。我主要加盟曼聯的原因是，我想要錦標，同一眾曼聯師兄弟一樣。」

不過筆者就有啲期望，唔單止期望梳爾的表現，更期望雲帥代表曼聯講嘅第一番說話，因為佢好似到依家都未代表曼聯講過一句嘢！
鶴臣&梳爾喂喂：艾夫拿？咩話？我無講法文你唔想理我？
嗰邊咪奧脫福囉！(林伯表示好無奈)a高：梳爾同我哋爭飯碗噃！巴尼斯：鶴臣都話佢係你，你點同自己爭飯碗先得架。