雲佩斯：英軍出局邊關朗尼事！ 精選

曼聯雙鋒上季都面對好嚴峻的球季，但係朗尼同雲佩斯二人於世界盃的經歷就好唔同。一個可以早啲休息下抖下，不過另一個應該仲有排挨…喺星期五的記者會入面，雲佩斯就提到呢位可以早早返屋企休息嘅球會拍檔。

佢咁講：「好多人都責怪朗尼搞到英軍出局，其實好唔公平。佢對意大利時打得好好，就算唔係打最擅長位置都交出一個助攻。對烏拉圭更加係攻入一球，努力到襪都甩、仲有好多差啲入波嘅機會。佢好似往時一樣，為國家付出一切。朗尼係我其中一個加盟曼聯的原因，你只要同呢條友仔一齊操練過，就知道佢係世界級的球員。」
對英格蘭，佢都表示好同情：「我諗佢哋其實打得算係咁，有過入波機會、只係兩場波都無運。不過呢個時代嘅足球就係咁，有時晉級同出局都只係一線之差。要我講英軍有咩要改善？我唔係合適人選去講呢個題目，不過我個人認為，無論咩時候引入年青球員、改善設施同加強教練都係好重要嘅。」

拿，老老實實，雲師兄呢番說話真係非常大體，同朗尼世界盃期間又話史高斯、又寸c朗真係幾唔同。話哂都係幾年阿記隊長，真係有大將風範架！俾你係雲高爾，你會揀邊個做隊長呢？朗尼？定係雲師兄？
哇，飛機上面嘅咪係...朗尼？拿，隊長臂章俾你喇！洛賓！
雲高爾：隊長邊個做？你話呢？