莫帥：我要普巴！ 精選

莫帥其中一個為曼聯做的事，就係建立了一大本球探秘笈，有齊呢一年內佢同團隊望過嘅球員資料。而當中，佢最想買到嘅係邊兩個呢？

佢其中一個好想帶入奧脫福嘅…應該係話，帶返奧脫福嘅，竟然係保羅普巴！佢曾經話過普巴可以成為世界上最好的球員之一，成為新的耶耶托尼，而佢對普巴的愛惜一直都無少過：「可以的話，我會將普巴帶回曼聯。佢喺意甲成長快速，不過喺奧脫福同佢共事過嘅人都唔會驚訝。不過呢…買到佢返嚟嘅可能性真係唔高囉。」
而另一位佢好喜歡的，係早前曼聯話已經無興趣入貨嘅卻奧斯：「我為簽入卻奧斯做咗好多功夫，呢個係公開嘅秘密。我喜歡佢係因為佢交嘅波每一腳都係為打穿對手防線，唔會為交波而交波。」

講返普巴啦，近日有傳曼聯想以天價買返呢一位「新耶耶托尼」返嚟。有幾天價？唔係好貴，6000萬鎊啫！少過當年c朗啲啲之嘛！有報導話雲高爾視普巴為重建曼聯的重心人物，所以會不惜一切去要佢返曼聯。另一方面，佢又大讚智利的足球好有侵略性，所以大家都認為維度爾都係佢嘅目標之一。

然而大家聽下普巴、維度爾嘅大佬，即係祖雲達斯體育總監馬洛達點講先啦：「好明確咁講，我哋依家贏到開巷，所以根本無必要賣人。皇馬有對維度爾表示讚賞，不過止此而已。而普巴，嚟緊幾星期我哋就會同佢傾續約。」咁即係無行啦？係唔係？而個人感情而言，筆者都幾唔鍾意普巴，有時做人就唔好咁盡，你唔喜歡爵爺一回事，日日講、年年講，到今日仲唱緊爵爺，你咁小氣，好難用你架噃…萬一你同雲高爾又鬧翻，咁嗰6000萬咪益咗祖記？
https://www.youtube.com/watch?v=7HddeDF61uc