莫耶斯：希望我唔係最後一個 精選

唔係最後一個係咩意思？最後一個「長壽領隊」？唔係，佢係指，最後一個被歐洲頂級強隊指派的英藉領隊！11年於愛華頓的戰績同經驗好似對莫耶斯急速融入曼聯無咩用，佢最後只係覆行咗10月約就離開，簽咗嘅六年合約好似風一樣唔見咗。不過，佢就希望各大班霸可以用多啲英藉領隊。

佢咁講：「英藉領隊在歐洲頂級球隊立足尚要好長時間，可能去外地教波、得到其他人認同係未來的大趨勢。我自己就希望唔係最後一個得到頂級球隊領隊之位嘅英藉領隊，羅渣士用咗幾年時間改造利物浦，我想這對英藉領隊們而言是非常重要的。佢得到機會去表現自己，而紅軍亦因此會有美好的未來。普利斯都做到成績，所以我希望我唔會令大家無咗帶領頂級球隊的機會。」
佢口中嘅羅渣士係北愛爾蘭藉的領隊，而普利斯就係嚟自威爾斯，水晶宮穩保英超席位都靠佢架喇！拿，佢哋會唔會為英藉領隊打出血路筆者就唔知，不過我就有另一位頂級領隊同大家介紹一下，就係雲高爾…嘅副手，威爾斯嘅傳奇：傑斯！佢都係英藉領隊嚟架！佢喺曼聯打出身價喇wor，莫帥你就唔駛擔心啦！
普利斯