雲高爾：我差啲就去咗教熱刺！ 精選

世盃前夕，雲帥當然要出席唔少活動，而佢喺阿姆斯特丹答記者問題時，就提到佢原來曾經與熱刺好近！佢咁講：「我真係曾經好接近加盟熱刺。小時候我是熱刺的小粉絲，當時基里夫斯(Jimmy Greaves)帶領他們取得很大的成功。他是我的偶像。而且他們有很好看的白色波衫。所以，我其實很接近接受他們的邀請。」

當然他最後選擇了曼聯，不過佢都真係幾有自知之明，知道其他人對佢有讚有彈：「作為領隊，我想與我的隊員有良好的關係，我想這很重要。我會為此盡力，不過有時唔可行，如果球員唔開明，接受唔到我放喺隊入面嘅規矩時，咁就唔work。大部分的球員都對我有正面的評價，當然啦，都有啲好嬲我！列貝利啦，東尼啦，史杜捷哥夫同李華度都係。」
而且佢都真係幾霸氣，提到荷蘭對威爾斯的比賽時，佢就話無得同巴利、藍斯對賽係一個遺憾，雖然威爾斯都係一隊幾好的球隊，不過有巴利同藍斯始終都唔同啲。咁佢去到英超應該好開心，因為唔單止有車仔、利記俾佢對，有狂人同羅渣士在場，都一樣係唔同啲！
基里夫斯今年74歲架喇！