ESPN：暫時得曼聯bid過梳爾 精選

修咸頓今季好多球員打得好，外間認為他們即將成為英超「超市」。但正如靚女原來好少人追一樣，修咸頓的左後衛梳爾一樣都無人bid！

根據ESPN的報導，至今只有曼聯正式出過價！不過呢個出價仍然係對上一個，即係2700萬鎊的出價。而BBC報導，曼聯、修咸頓雙方已於周五再次為梳爾的轉會事宜見面，而似乎事情進展順利。其實出價之後，在5月11日曼聯作客修咸頓比賽完結後紅魔高層都已經與修咸頓傾談過梳爾的轉會，而一直曼聯都對此交易非常有信心。雖然未有其他正式的出價，然而傳聞車路士在艾殊利高爾離隊之後急需一位左閘，他們有機會向曼聯攔路截劫。究竟最後梳爾會去邊？睇嚟仲要等下先知喇！
而「修咸頓超市」仲有咩貨賣？啱啱就賣咗領隊普捷天奴，喺曼聯攔路截劫咗雲高爾之後，熱刺就喺「修咸頓超市」買咗個領隊。而利物浦青訓產品列基林拔在修咸頓大放異彩，傳聞將回巢紅軍；中場拉爾拉拿及克羅地亞中路守將洛夫雲亦係列強的購物list中重要人物。修咸頓星散睇嚟真係指日可待…
列基林拔會唔會去紅軍呢？梳爾又會情定何方呢？
不過有你續約，梳爾仲會唔會想嚟呢？