史高斯：唔轉型朗尼三年內必掛靴 精選

講到球壇長青樹，除咗「雲希魔」的左右手傑斯之外你必須要數史高斯。佢打到38歲，試過退休又復出，看盡球員掛靴、轉型，佢嚟談論一個球員是否處於巔峰是最好不過。而喺佢眼中，朗尼已經過哂佢作為前鋒嘅巔峰期，史高斯更預言，如果他不作改變，3年內必定江郎才盡、掛靴收場！

佢喺一個博客專訪中講到，朗尼作為前鋒的日子應該唔會長：「傳統的足球員來說，28、29歲應該才是最黃金的時期。但對朗尼而言，他的高鋒可能早早已過，大概他26歲時為球隊攻入27球的時候就是他的高鋒期。我認為他31、32歲就會掛靴，睇下佢有幾多比賽機會啦。傑斯打到40係事實，不過佢有轉型亦係事實。我唔認為朗尼可以打前鋒打到34、35歲。」

聽呢句其實唔夠嘅，唔全面，因為史高斯其實對佢有好大的期望！佢直情認為朗尼可以代替佢：「無錯，我唔認為朗尼可以打前鋒打到34、35歲，不過呢個年紀嘅佢可以打中場！佢有齊所有的條件，可以完全代替我當年在曼聯的位置。但這樣的話，他必須要有很強的紀律性。他總是在浪費自己的氣力到處跑，如果我是英軍的統帥，我會對他說，不要回防，守在前線。入波是你的工作！」就是因為他不安於室，而打中場就必須要好強的紀律性，否則必定會給予對手空位進攻。就連打前鋒都企唔定，點打中場？
不過呢個亦係史高斯對朗尼的喜歡之處：「他最強大的是用不完的氣力、極度的渴求，就好似一位小學生一樣，你不可能阻到他上『訓練堂』。當其他人去到他的年紀總會被體能的枷鎖限制，非不得已才會進行訓練、想懶得就懶的時候，他總是比其他人更想去做訓練、更愛身為足球員的身份。但這是優點、亦是弱點，有時他就是做得太多，沒有為自己及球隊留下足球的體力，做出適合的工作。」

其實大家都有眼見，筆者呢兩年已經不下一次講過朗尼必須要轉打中場先有出路，而佢哋獨到長短傳雖然未必夠史高斯咁獨，但與當打時的卡域克可謂一時瑜亮。如果佢再堅持要打前鋒，雲佩斯不在講，更有其他更有射門觸覺的年青球員一定會一個接一個出現。但一個經驗豐富的中場球員，你肯俾錢都未必買得到。謝拉特的四號位、林柏特的八號位，都可以係未來朗尼的歸宿。