ESPN:曼聯六大收購計劃 卻奧斯最接近成魔

曼聯專區 於 21/05/2014 發表 收藏文章
雲帥一上任即刻帶來好消息,根據消息人士透露予ESPN,曼聯對於簽入卻奧斯有絕大信心!而佢已經成為紅魔六大新收購目標最接近成功的一位!

先提提邊「六大收購」先!幾個位置都人選架喇,中場、後防、左後衛都有需要「進補」。第一係接近嘅本文重點人物卻奧斯啦,另一位接近成魔的就是梳爾。雖然會談進展緩慢,不過他的成魔機會仍是一日比一日高。而最難買入的是多蒙特的後防重鎮曉娒士及中場馬高列奧斯,當中最大的障礙係,自利雲度夫斯基及馬里奧葛斯投胎成「仁」之後,蜜蜂仔已經好唔想再賣自己嘅資產出去。
梳爾
曉娒士
列奧斯

最後兩強非常令人驚訝,因為ESPN指佢哋都算係幾有機會成魔(甚至比列奧斯、曉娒士更大機會),而他們的大名是:法比仔同維度爾!維度爾雖然非常出色,不過原來佢嘅價位比大家想像的都低,加上有傳艾夫拿有意加盟祖雲達斯,隨時成為買入維度爾的契機。而法比仔上季已經令紅魔迷一再失望,其實筆者依家一聽到佢個名就頭疼。不過消息還消息,有必要同大家講:ESPN得到的消息係今夏巴塞對於賣走法比加斯持開放態度,並非「絕不放人」的球員。而阿仙奴及曼聯已經開始跟進,有機會展開新一輪的「爭法大戰」。
維度爾
法比仔

大家唔好心急,依家講埋卻奧斯嗰單先,當然呢個轉會唔係雲帥主導架啦!因為原來已經傾咗兩個月架喇(莫帥其實真係做咗好多嘢架!)鑑於卻奧斯的合約已經進入最後一年,雖然本人在社交網站同拜仁粉絲交待叫大家唔好擔心自己份約,不過事實就係合約未傾好,而如果再無進展,拜仁絕不會白白俾呢位24歲的年青才俊成為自由身轉會。而依家仲加上雲帥的出任,曼聯高層對於簽入卻奧斯嘅信心越來越大。

其實筆者就認為梳爾同曉娒士比其他人更為重要,因為曼聯的後防係最需要加固的地方。所以曉娒士既然成為六大收購中最難入手的球員,雲帥是時候搵定下一位人選!

留言


請按此登錄後留言。未成為會員? 立即註冊
  • Mark Tsui 於 22/05/2014 評論 NO. 1

    只有Luke Shaw 有机

快捷鍵:←
快捷鍵:→