此時此刻，曼聯今季的比賽已經完成哂。茶餘飯後，兩位專區的編輯都在談論下一任的魔頭誰屬，而呢個情況遠在英國亦如是。剛剛知道不再續約的大師兄里奧，早前就有咁講過：「報紙講過好多人名，高普、傑斯、安察洛堤、摩連奴，不過其實我哋同酒吧吹水嘅人係無分別，因為我哋都係得個吹字。我自己都唔知下一任最大可能係邊個，我只係知佢必須要有好好嘅往績，贏過好多錦標嘅人。」且不論呢個講法有無寸親莫耶斯，新帥誰屬確係一眾曼迷依家最想知道嘅嘢。
如果雲高爾真係眾望所歸，其實對佢、對曼聯而言都有啲特別。首先，呢個可能只係「未完的故事」繼續版本，只因十二年前傳出爵爺即將收山，其實曼聯方面已經開始斟介雲帥。所以，如果佢真係走馬上任，意味住十二年前未發生嘅故事依家終於上演了。對雲帥而言呢個係未完之夢，坐呢個位有更深一重的意義。
而另一方面，對雲帥而言呢個職位唔可以話係「領隊」咁簡單，而係一個「重建者」。佢教巴塞、拜仁，甚至係荷蘭國家隊，其實都有一定嘅人腳、架構在，系統已經建立，佢係要去強化、保持。不過，今時今日嘅曼聯已經唔係咁嘅一回事。莫帥領軍之後，前場雖然有新球員來投，不過其攻擊面貌同精神其實已經崩潰，無咗一套慣用有效的攻擊系統同模式。而中場更無得好講，「雙卡」的跌watt、費蘭尼的功用成疑，中場有好大的重建需要。後防？更加係一個等住新帥調整的地方，里奧、維迪已經離開，艾夫拿去向成謎，唯一的佳音係梳爾的成魔非常接近。雲帥一向作為「守業者」，能否成為「重建者」呢？佢喺阿積士的成功係佢作為builder的好例子，不過時間既久、兩隊波風格人腳亦好唔同，變數不可謂不存在。
不過，筆者仍然對雲帥有信心，因為佢手上有嘅牌其實又未至於爛到不堪。其中有幾位球員筆者想一提，當然第一個係雲帥的大將雲佩斯啦！佢好似已經對雲帥加盟有好大的信心，在對候城大勝的一場波時咁講過：「我哋下年一定會捲土重來，我哋一定會返來，信我，一定會！你錄低呢段訪問都得喇！」可見佢對下季的曼聯有好強大的信心，而其來源絕對同雲帥有啲關係。
另一位就係被流放的沙夏。外國傳媒將佢比喻為新簡奴，同樣都係出身阿積士，年輕的簡奴曾經在歐聯大放異彩，而去到阿仙奴都以「怪腳」及速度聞名。在雲帥手下，呢位外借的年輕小將有無機會呢？
如果雲高爾真係眾望所歸，其實對佢、對曼聯而言都有啲特別。首先，呢個可能只係「未完的故事」繼續版本，只因十二年前傳出爵爺即將收山，其實曼聯方面已經開始斟介雲帥。所以，如果佢真係走馬上任，意味住十二年前未發生嘅故事依家終於上演了。對雲帥而言呢個係未完之夢，坐呢個位有更深一重的意義。
而另一方面，對雲帥而言呢個職位唔可以話係「領隊」咁簡單，而係一個「重建者」。佢教巴塞、拜仁，甚至係荷蘭國家隊，其實都有一定嘅人腳、架構在，系統已經建立，佢係要去強化、保持。不過，今時今日嘅曼聯已經唔係咁嘅一回事。莫帥領軍之後，前場雖然有新球員來投，不過其攻擊面貌同精神其實已經崩潰，無咗一套慣用有效的攻擊系統同模式。而中場更無得好講，「雙卡」的跌watt、費蘭尼的功用成疑，中場有好大的重建需要。後防？更加係一個等住新帥調整的地方，里奧、維迪已經離開，艾夫拿去向成謎，唯一的佳音係梳爾的成魔非常接近。雲帥一向作為「守業者」，能否成為「重建者」呢？佢喺阿積士的成功係佢作為builder的好例子，不過時間既久、兩隊波風格人腳亦好唔同，變數不可謂不存在。
不過，筆者仍然對雲帥有信心，因為佢手上有嘅牌其實又未至於爛到不堪。其中有幾位球員筆者想一提，當然第一個係雲帥的大將雲佩斯啦！佢好似已經對雲帥加盟有好大的信心，在對候城大勝的一場波時咁講過：「我哋下年一定會捲土重來，我哋一定會返來，信我，一定會！你錄低呢段訪問都得喇！」可見佢對下季的曼聯有好強大的信心，而其來源絕對同雲帥有啲關係。
另一位就係被流放的沙夏。外國傳媒將佢比喻為新簡奴，同樣都係出身阿積士，年輕的簡奴曾經在歐聯大放異彩，而去到阿仙奴都以「怪腳」及速度聞名。在雲帥手下，呢位外借的年輕小將有無機會呢？
請按此登錄後留言。未成為會員? 立即註冊