雲高爾：我唔係老馮要成魔架噃！ 精選

對於新一任魔頭，各傳媒都好似無咩懸念，似乎認定了雲高爾的成魔。不過，佢自己就話唔一定揀曼聯！

筆者就會形容佢為欲拒還迎喇：「我都想要曼聯領隊呢份工作架，希望我係嗰個被揀中嘅人啦！世界上最大嘅球會之一噃，一定會係一個好好嘅挑戰。不過你哋認定我一定成魔無走雞，我就認為最重要係曼聯高層點諗囉。依家都未有共識架，新聞紙話我簽咗約之嘛，就連副手都有埋，人人都知係我未知囉。其實呢，都有幾隊波想要雲高爾做領隊架，我有得揀下。全部球隊都可以進入呢個程序，不過我只可以話呢一刻咩都未發生。」
62歲嘅佢扭扭擰擰、要嫁又唔嫁，不過佢想要教曼聯就係人都睇得出嘅。佢教巴塞、拜仁時外間人都係有讚有彈，如果真係佢接任，唔知又打唔打得出好成績、證明俾大家睇呢？
實係我架喇？邊個話一定架？
爵爺：你都係算吧啦！很想要吧？我哋知嘅！