連迪加特：傑斯係「新．哥迪奧拿」！ 精選

外間對傑斯上任反應兩極，有啲人話佢只係對諾域治，贏有幾出奇；亦有人話佢根本只係好彩。外人點講其實都係估估下，最切身當然係問問球員！

連迪加特就對傑斯第一場領導有非一般的睇法：「可能你會覺得我幼稚、太早下判斷，又可能會話佢教得個幾星期，唔可以作準，不過我真係想講，成隊波係同緊新哥迪奧拿共事！」講起哥迪奧拿，佢係球壇的一大奇葩，未做過助教就直接成為領隊，而且成績非常標青。傑斯同佢最大的共通點都係直接跳到領隊，當然啦，一場半場啫！不過係咩令連迪加特對傑斯咁有信心呢？

佢咁講：「有啲人會話，一夜之間由隊友變成領隊，得唔得架？如果係第二個人，我都會有保留，不過如果係傑斯就唔同講法！佢一直都同曼聯一隊的球員有啲唔同，我會話係佢同我哋有專業上嘅距離，只要佢認為有必要、開口說話，大家都會聽佢講。而佢第一個星期表現出嘅氣魄同爵爺驚人的相似，我諗佢同爵爺學到唔少嘢。聽佢嘅賽前演說，我直情感動到脊髓發麻！」
不過一代新帥上場，都有人記得舊人嘅。馬達就在自己個博客寫，祝莫帥同佢嘅團隊好運，多謝佢一直都留意住馬達、同拉線令佢成為曼聯一份子。筆者就希望呢一年唔單止成為傑斯上場的契機，亦希望令莫帥上一課，之後脫變成更好的領隊啦！