傑斯接手之後的曼聯，不能否認有種似曾相識的感覺：咁似爵爺帶隊嘅？其實唔單止個樣似，就連數據上都有啲特別，確確實實同莫帥領軍的曼聯從內到外有啲唔同。
戰術打法上睇起，雖然仍然是用邊線傳統進攻戰術，不過在進攻細節上有好大唔同，莫帥的邊線傳中戰術基本上變化不多，總係要左右路球員一直落底，有機會就傳中、無機會就回後，令對手防守上有很多空間。然而傑斯的戰術之下，邊線進攻不再是盲目傳中，以閘位及翼鋒兩位球員的配合為主線，疊瓦、撞牆、one two、傳中、入楔、盤扭、甚至中距離射門，要求嘅係球員應對即時的狀況作出決定，選擇最好的進攻方式，以撕裂對手防線為目的。上半場球員明顯對此戰術有點生硬，但經過半場熟習之後，下半場的攻勢已經非常流暢、出人意表，令對手的防務困難重重。
數據上充份反映曼聯進攻質量有明顯改善，全場25次射門、11次中龍，不光彩的講句，是今季曼聯聯賽最高中龍數字的一場波，傳波成功率高出對手10個百分點，如果唔係球員要啲時間熟習返個打法，出現再大的比數都唔出奇。而換人的功效亦非常明顯，馬達對諾域治防線而言簡直是惡夢；而楊格亦一改邊線盲斬的打法，改以盤扭、傳中等方式攻堅。當然，傑斯的試陣意味亦濃，想睇下唔同攻擊球員實戰配合上有咩火花。
平心而論，場波真係睇得幾開心，不過都要提醒下自己，曼聯已經無欲無求無包袱；對手又係實力較弱的隊伍，可以全力壓逼可謂絕不出奇。所以一場波就話傑斯好啱做魔頭仲係言之尚早，如果佢可以作為助教、再歷練多幾年之後坐正，說服力一定會更強！
(PS. 其實筆者都有啲忍唔住，好想再見到一眾利迷車迷亂入，專區好耐無試過咁熱鬧喇！不過咁噃，亂入還亂入，記得睇完小弟文章先，唔係齋鬧唔睇，雙計架！ XD)
傑斯：有人亂入噃！！
戰術打法上睇起，雖然仍然是用邊線傳統進攻戰術，不過在進攻細節上有好大唔同，莫帥的邊線傳中戰術基本上變化不多，總係要左右路球員一直落底，有機會就傳中、無機會就回後，令對手防守上有很多空間。然而傑斯的戰術之下，邊線進攻不再是盲目傳中，以閘位及翼鋒兩位球員的配合為主線，疊瓦、撞牆、one two、傳中、入楔、盤扭、甚至中距離射門，要求嘅係球員應對即時的狀況作出決定，選擇最好的進攻方式，以撕裂對手防線為目的。上半場球員明顯對此戰術有點生硬，但經過半場熟習之後，下半場的攻勢已經非常流暢、出人意表，令對手的防務困難重重。
數據上充份反映曼聯進攻質量有明顯改善，全場25次射門、11次中龍，不光彩的講句，是今季曼聯聯賽最高中龍數字的一場波，傳波成功率高出對手10個百分點，如果唔係球員要啲時間熟習返個打法，出現再大的比數都唔出奇。而換人的功效亦非常明顯，馬達對諾域治防線而言簡直是惡夢；而楊格亦一改邊線盲斬的打法，改以盤扭、傳中等方式攻堅。當然，傑斯的試陣意味亦濃，想睇下唔同攻擊球員實戰配合上有咩火花。
平心而論，場波真係睇得幾開心，不過都要提醒下自己，曼聯已經無欲無求無包袱；對手又係實力較弱的隊伍，可以全力壓逼可謂絕不出奇。所以一場波就話傑斯好啱做魔頭仲係言之尚早，如果佢可以作為助教、再歷練多幾年之後坐正，說服力一定會更強！
(PS. 其實筆者都有啲忍唔住，好想再見到一眾利迷車迷亂入，專區好耐無試過咁熱鬧喇！不過咁噃，亂入還亂入，記得睇完小弟文章先，唔係齋鬧唔睇，雙計架！ XD)
傑斯：有人亂入噃！！
請按此登錄後留言。未成為會員? 立即註冊