曼聯最強裝備「香馬靴」已經出現喇！！咩係「香馬靴」？香川、馬達、靴南迪斯囉！老老實實，莫耶斯出現之後，香川真司和小豆靴南迪斯好似變成咗邊緣人，無計，兩位人兄身型麻麻，莫帥的戰術之下根本容不下二人。其實馬達自己都係矮細型，不過始終都係莫帥「親生仔」，親自招返來，所以叫做多啲上陣機會。所以，三個瘦瘦弱弱的球員總係無咩試過同場上陣。
不過，因為雲佩斯、朗尼二人受傷，無得佢揀之下惟有出下小豆、香川啦，真係好勉強架，點數佢二人都唔係莫帥心目中的最佳十一人之一。不過，大家都心中有數，可以大數紐卡素一定係呢個「香馬靴」陣嘅作用！其實上半場兩人就有望入球，好似44分鐘，小豆爭頂成功交俾香川，香川立即打one two，小豆突入禁區攻門，唔係龍門最好嘅朋友救咗佢，一早開咗紀錄啦！
下半場二人繼續施壓，馬達第二個入波就係二人穿針引線造成嘅，香川頭鎚二傳、小豆助攻，中間已經有香川同馬達「等食」。第三球更加係二人嘅直接配合，香川助攻小豆食糊。
不過成季而言，香川小豆其實日子很苦，香川好容易先得到上陣機會、剛剛先打破零助攻呢個尷尬數字；小豆更慘，對紐卡素之前聯賽上陣19次，好似好好，不過其實總比賽時間只有609分鐘，平均每場踢得半個鐘左右，因為偉大嘅莫耶斯好多場波都只係俾5到15分鐘的時間佢踢，真係雪到變雪豆咕臣…
綜合而言，香川擅於交波到隊友追到、守將追唔到嘅位；小豆則擅於無波走位，呢個配合可以話係天作之合。而另外兩人亦因為呢個組合而受惠，就係馬達同贊奴沙。對手要防「香豆」突入，馬達就多咗空位攞波踢波，3人之間有非常好嘅互動。而贊奴沙，即使佢無咩狀態，都可以在呢三位球員製造嘅空間入面搶得攻門機會。
可恨嘅，係大家都知呢場比賽無法令莫帥改觀，周中歐聯已經預計唔會見到佢兩個，而下季亦預計唔會再見到佢哋兩個。呢個令人睇得好舒服嘅配合，將會永遠長存於曼迷的心中…去吧！去找屬於你哋嘅天空啦！奧脫福嘅圍牆唔應該困住你兩個嘅！(泣…)
再見喇....(泣...)
不過，因為雲佩斯、朗尼二人受傷，無得佢揀之下惟有出下小豆、香川啦，真係好勉強架，點數佢二人都唔係莫帥心目中的最佳十一人之一。不過，大家都心中有數，可以大數紐卡素一定係呢個「香馬靴」陣嘅作用！其實上半場兩人就有望入球，好似44分鐘，小豆爭頂成功交俾香川，香川立即打one two，小豆突入禁區攻門，唔係龍門最好嘅朋友救咗佢，一早開咗紀錄啦！
下半場二人繼續施壓，馬達第二個入波就係二人穿針引線造成嘅，香川頭鎚二傳、小豆助攻，中間已經有香川同馬達「等食」。第三球更加係二人嘅直接配合，香川助攻小豆食糊。
不過成季而言，香川小豆其實日子很苦，香川好容易先得到上陣機會、剛剛先打破零助攻呢個尷尬數字；小豆更慘，對紐卡素之前聯賽上陣19次，好似好好，不過其實總比賽時間只有609分鐘，平均每場踢得半個鐘左右，因為偉大嘅莫耶斯好多場波都只係俾5到15分鐘的時間佢踢，真係雪到變雪豆咕臣…
綜合而言，香川擅於交波到隊友追到、守將追唔到嘅位；小豆則擅於無波走位，呢個配合可以話係天作之合。而另外兩人亦因為呢個組合而受惠，就係馬達同贊奴沙。對手要防「香豆」突入，馬達就多咗空位攞波踢波，3人之間有非常好嘅互動。而贊奴沙，即使佢無咩狀態，都可以在呢三位球員製造嘅空間入面搶得攻門機會。
可恨嘅，係大家都知呢場比賽無法令莫帥改觀，周中歐聯已經預計唔會見到佢兩個，而下季亦預計唔會再見到佢哋兩個。呢個令人睇得好舒服嘅配合，將會永遠長存於曼迷的心中…去吧！去找屬於你哋嘅天空啦！奧脫福嘅圍牆唔應該困住你兩個嘅！(泣…)
再見喇....(泣...)
請按此登錄後留言。未成為會員? 立即註冊