4紅魔送囝囝去曼城訓練營? 精選

曼聯前鋒雲佩斯、費查，教練團成員之一嘅菲臘尼維利以及前名宿高爾，盛傳都紛紛將孩子送去曼城青訓營，而唔係選擇自己球會或母會。呢個行動證明佢哋好似同意曼城現時的確比曼聯更強，所以要將自己兒子送去曼城青訓營。令人驚訝嘅係費查同尼維利決定，事關佢兩個都係曼聯青訓出身，前者更係無效力過其他球隊，但竟然就作出呢個決定。

其實現時英超中都有好多球員係曼聯青訓出身，先有曼聯隊內現有傑斯、卡華利、韋碧克、費查同伊雲斯等，至於效力其他英超球隊嘅就有史篤城隊長梳高斯、新特蘭嘅布朗、奧沙同巴士利，富咸嘅李察遜、卡迪夫城嘅費沙金寶以及侯城嘅賈斯達，而對比起曼城，曼城青訓產品就只有門將祖赫特只有門將哈特同米卡李察士，如果就咁睇曼聯青訓的確仍俾到人信心，相信此舉解釋唯有係曼城近年嚟的確強勢崛起，對曼聯嘅優勢同對青訓嘅大力投入，吸引咗眾紅魔後代投下信心一票。