有網友提過，依家曼聯係「攻中墳墓」，香川、朗尼、雲佩斯都好難發揮得到，馬達嚟到只會好似船仔入百慕達三角一樣，立即無影。其實，呢個只係冰山一角，唔係只係今日嘅曼聯，咁多年來曼聯都坑殺咗好多創造力見稱嘅球員。究竟，呢個係咩恐怖詛咒…？
好似華朗同貝碧托夫，都係以腳法細膩、創造力驚人著稱，不過hea碧都仲叫做有過啲成就，華朗就真係一直都無起色，可稱為爵爺最失敗收購之一。在拉素時佢打到識飛，爵爺睇中佢嘅能力以2800萬鎊引入呢位阿根廷的強大中場。然而佢在陣的時候，爵爺用嘅返而係另一位世界級中場史高斯。最後華朗就行行企企，幾有創造力都無用。
而香川，其紅唔起的原因可以歸納為三個：佢嚟到之後嘅傷患、打唔熟嘅左路，仲有最後一個原因，亦係最重要嘅：佢唔係一人球隊，香川需要一眾隊友以佢為中心先可以發揮得到。在對史雲斯的比賽中，就係因為佢成為中場的指揮核心，所以先可以解放贊奴沙、華倫西亞等人。不過莫帥一直都唔希望以佢為隊中核心，所以佢一直都做唔到成績。而呢個，亦係「曼聯百慕達三角」嘅真正面目：創造型球員，有必要成為全隊的中心先可以在曼聯發揮能力。華朗如果可以得到中場指揮官的身份，佢或者可以有更好發揮。
咁…馬達呢？喺呢個「曼聯百慕達三角」入面，佢生唔生存到？理論上睇，佢有咁嘅機會！馬達同華朗、香川都有啲唔同，佢嘅位置靈活好多，唔單止打攻中灑家，打兩翼都得，更恐怖嘅係長短傳波佢都做得好好，有住強大嘅助攻意識，如果你話卡域克係「防中型長短傳波高手」，咁馬達就係「全攻型長短傳球達人」，佢哋兩個一齊上場、一人負責半場的傳波，加埋嘅傳球覆蓋範圍就包哂成個球場，對手可謂無防守嘅可能。而正正因為佢嘅靈活性，佢去到邊攻擊核心就走到邊，都可以成為全隊中心。所以，筆者對佢嘅發揮有好大嘅期待！
好似華朗同貝碧托夫，都係以腳法細膩、創造力驚人著稱，不過hea碧都仲叫做有過啲成就，華朗就真係一直都無起色，可稱為爵爺最失敗收購之一。在拉素時佢打到識飛，爵爺睇中佢嘅能力以2800萬鎊引入呢位阿根廷的強大中場。然而佢在陣的時候，爵爺用嘅返而係另一位世界級中場史高斯。最後華朗就行行企企，幾有創造力都無用。
而香川，其紅唔起的原因可以歸納為三個：佢嚟到之後嘅傷患、打唔熟嘅左路，仲有最後一個原因，亦係最重要嘅：佢唔係一人球隊，香川需要一眾隊友以佢為中心先可以發揮得到。在對史雲斯的比賽中，就係因為佢成為中場的指揮核心，所以先可以解放贊奴沙、華倫西亞等人。不過莫帥一直都唔希望以佢為隊中核心，所以佢一直都做唔到成績。而呢個，亦係「曼聯百慕達三角」嘅真正面目：創造型球員，有必要成為全隊的中心先可以在曼聯發揮能力。華朗如果可以得到中場指揮官的身份，佢或者可以有更好發揮。
咁…馬達呢？喺呢個「曼聯百慕達三角」入面，佢生唔生存到？理論上睇，佢有咁嘅機會！馬達同華朗、香川都有啲唔同，佢嘅位置靈活好多，唔單止打攻中灑家，打兩翼都得，更恐怖嘅係長短傳波佢都做得好好，有住強大嘅助攻意識，如果你話卡域克係「防中型長短傳波高手」，咁馬達就係「全攻型長短傳球達人」，佢哋兩個一齊上場、一人負責半場的傳波，加埋嘅傳球覆蓋範圍就包哂成個球場，對手可謂無防守嘅可能。而正正因為佢嘅靈活性，佢去到邊攻擊核心就走到邊，都可以成為全隊中心。所以，筆者對佢嘅發揮有好大嘅期待！
請按此登錄後留言。未成為會員? 立即註冊