早前筆者提過，如果今季的曼聯成績不佳，好可能會影響到買人、球會的建設，最後形成惡性循環。不過，呢排其實亦有唔少新聞，稱幾位曼聯想要的球員都有離開意思。其中，又以c朗、京多安及干查奧三位的新聞最似層層。如果真係咁好彩，三位下年都可以成魔，咁就真係好睇過戲了！不過，點解三個都有機會去曼聯先？
C朗，剛剛先討論過佢應該唔會返奧脫福架喇，不過偏偏就有人唔係咁諗，仲要佢嘅身份令呢個傳言似乎越來越可信。講C朗會返曼聯嘅，係前皇馬主席卡特朗。佢咁講：「我唔認為C朗會喺皇馬掛靴，我感覺到總有一日佢會返到英超。當然啦，佢好喜歡馬德里呢個城市，同佢嘅粉絲。不過，對C朗更重要嘅係一位爸爸，一位父親角色嘅人物。依家佢同皇馬嘅佩雷斯唔單止關係麻麻，甚至可以話係形同陌路，所以我認為佢唔會留得太耐。早嘅話，我估今個夏天佢都會走…直覺話我知，佢簽嘅約入面有條款保護佢自己，只要佢個人意願想走，皇馬無得留人。」如果C朗真係對曼聯有心，感覺依家嘅曼聯需要救助，真係肯降薪、放棄名利返嚟，咁就真係感動死一班曼迷喇！
另一位緋聞球員京多安，23歲仔大把前途，而最重要係佢又唔續約、多蒙特又持開放態度，轉會的可能性又多啲。無他，繼馬里奧葛斯之後，利雲度夫斯基又去埋拜仁，多蒙特如果真係無辦法說服京多安續約，喺完約之前，即係2015年之前就會賣佢走，以免重蹈覆轍，好似利雲度夫斯基咁免費走去拜仁。而佢自己，答傳媒問題時亦不亢不卑：「一切都未決定，不過多蒙特會係關鍵的持份者。我會好好諗諗我嘅未來，態度不變，我會持開放態度，咩都有可能發生。」都係嗰句啦，只要你肯嚟，曼聯中場真係你打哂架！
干查奧方面，佢嘅經理人，即係同紅魔關係幾好嘅文迪斯日前透露，干查奧非常期待加盟曼聯。加上上一仗的比賽，雖然代表皇馬再次上陣，不過佢好似已經表現出唔耐煩，非常難睇嘅一腳報復好似話俾大家聽佢嘅耐性已經見底 (正如法比奧被逐的一腳，都好明顯係嘅耐性見底嘅表現…而傳聞中，達斯華兄弟亦會在球季結束後雙雙離開曼聯，原因就係法比奧遲遲未受重用，拉菲爾決心要為兄弟未來著想，一齊離開) 咁睇法，干查奧加盟的機會率亦都唔細…
好喇，筆者決定乖乖哋去發個夢先，呢三位人兄其實只要嚟一個，筆者都會幾晚瞓唔著…里奧話：「c朗攞唔到金球獎我就裸跑！」咁如果c朗、京多安及干查奧三個一齊加盟曼聯，筆者應承大家，我都去裸跑！喺屋企裸跑！
C朗，剛剛先討論過佢應該唔會返奧脫福架喇，不過偏偏就有人唔係咁諗，仲要佢嘅身份令呢個傳言似乎越來越可信。講C朗會返曼聯嘅，係前皇馬主席卡特朗。佢咁講：「我唔認為C朗會喺皇馬掛靴，我感覺到總有一日佢會返到英超。當然啦，佢好喜歡馬德里呢個城市，同佢嘅粉絲。不過，對C朗更重要嘅係一位爸爸，一位父親角色嘅人物。依家佢同皇馬嘅佩雷斯唔單止關係麻麻，甚至可以話係形同陌路，所以我認為佢唔會留得太耐。早嘅話，我估今個夏天佢都會走…直覺話我知，佢簽嘅約入面有條款保護佢自己，只要佢個人意願想走，皇馬無得留人。」如果C朗真係對曼聯有心，感覺依家嘅曼聯需要救助，真係肯降薪、放棄名利返嚟，咁就真係感動死一班曼迷喇！
另一位緋聞球員京多安，23歲仔大把前途，而最重要係佢又唔續約、多蒙特又持開放態度，轉會的可能性又多啲。無他，繼馬里奧葛斯之後，利雲度夫斯基又去埋拜仁，多蒙特如果真係無辦法說服京多安續約，喺完約之前，即係2015年之前就會賣佢走，以免重蹈覆轍，好似利雲度夫斯基咁免費走去拜仁。而佢自己，答傳媒問題時亦不亢不卑：「一切都未決定，不過多蒙特會係關鍵的持份者。我會好好諗諗我嘅未來，態度不變，我會持開放態度，咩都有可能發生。」都係嗰句啦，只要你肯嚟，曼聯中場真係你打哂架！
干查奧方面，佢嘅經理人，即係同紅魔關係幾好嘅文迪斯日前透露，干查奧非常期待加盟曼聯。加上上一仗的比賽，雖然代表皇馬再次上陣，不過佢好似已經表現出唔耐煩，非常難睇嘅一腳報復好似話俾大家聽佢嘅耐性已經見底 (正如法比奧被逐的一腳，都好明顯係嘅耐性見底嘅表現…而傳聞中，達斯華兄弟亦會在球季結束後雙雙離開曼聯，原因就係法比奧遲遲未受重用，拉菲爾決心要為兄弟未來著想，一齊離開) 咁睇法，干查奧加盟的機會率亦都唔細…
好喇，筆者決定乖乖哋去發個夢先，呢三位人兄其實只要嚟一個，筆者都會幾晚瞓唔著…里奧話：「c朗攞唔到金球獎我就裸跑！」咁如果c朗、京多安及干查奧三個一齊加盟曼聯，筆者應承大家，我都去裸跑！喺屋企裸跑！
請按此登錄後留言。未成為會員? 立即註冊