C.朗：我有諗過返曼聯！里奧：依家無機lu… 精選

早前里奧話，今年暑假佢有個秘密任務，就係要說c朗回巢，佢接受郵報訪問時就講過呢個接近成功嘅Mission Impossible：
「嗰時我打得最多嘅電話，就係打俾c朗！不過我諗依家已經無咩可能lu。你問我邊個時候最接近成功，就係剛剛過去嘅暑假。拿，球員之間爆料其實真係唔係好啱，不過我就爆啲啦。如果佢真係要離開皇馬，曼聯好可能係佢會去嘅地方。

呢年係佢嘅黃金一年，睇下佢啲入波你就會知。佢一個人就入夠某啲球隊成年嘅入波數字喇！佢已經去到另一個level，雖然仲有人會質疑佢嘅能力，可能係因為嫉妒佢啦，不過c朗會繼續去證明自己，因為佢好想話俾呢啲人聽，你錯！呢個就係佢成為the best嘅源動力。」
聽到里奧咁講，c朗毫不避嫌，直接就承認佢真係有諗過返曼聯：「佢話佢夏天時日日打俾我？係真架！佢係我嘅好朋友，喺曼聯一齊爭戰多年不特止，我仲喺曼市生活時佢係我鄰居嚟添！佢真係好正，係一個好好嘅朋友，我承認佢好想改變我嘅決定，想我返曼聯。
我真係有諗過返去架。所有人我都好掛住，我喺嗰度過咗六年，我好愛曼聯！曼聯入面我有好多朋友，我希望佢哋每個人都過得好，過得開心。不過依家我只想下季做得好啲，盡我所能為皇馬、為國家隊爭取成績。今季將會充滿挑戰。」

講到呢到真係幾兩難，一方面又好心痛點解c朗無返到屋企；不過另一方面又知道，如果佢真係返來，好可能連金球獎都有失落的可能…不過點都好啦，事情到依家已成定局，已簽下新約的c朗應該短時間都唔會回巢…一眾紅魔只有靠自己喇！