「送禮勤」嬲到微博發帖罵莫帥 莫耶斯：運氣唔好咋! 精選

曼聯噚日足總盃出局後，喺第三圈以1:2不敵史雲斯，29年嚟出戰足總盃，第2次被人晌第三圈淘汰，同時亦俾史雲斯打破紀錄，央上第一次晌奧脫福擊敗曼聯贏波而回，令好多人對莫耶斯都失晒耐性。好多球迷都好失望就一定，就連出晒名係紅魔球迷嘅「送禮勤」李克勤喇，佢噚日睇完波後晌網上微博向莫耶斯大罵，睇嚟佢真係好失望…
結婚相都去到奧脫福影，就知佢有幾鐘意曼聯...
晌比賽結果後，李克勤晌微博連發帖兩次，以表達對莫耶斯嘅不滿，佢先用一張莫耶斯本人嘅圖片，並加上comment：「你對得起買票入主場睇波嘅球迷嗎？」其後佢仲心有不滿，再發出一張費sir同莫耶斯兩人一齊晌場邊嘅相，莫耶斯站晌費sir身後，李克勤則繼續表達不滿：「同樣嘅球隊，同樣球員，佢交棒俾你是係排名第一，你對得起他嗎？」就咁睇李克勤嘅行動，晌短短五分鐘內連發兩條微博，就可想而知佢對呢場波比賽結果有幾不滿。

不過你有你不滿，莫帥賽後表明球隊只係運氣唔好，「我們運氣唔好先輸波，雖然球隊有可能無為贏波而好好努力，有製造到入球機會，但並未足夠。當10人應戰時，球隊目標就係要盡力拖到最後，希望打重賽，但最終未能成功，失第二球波。」對於法比奧紅牌一事，莫耶斯都無咩特別，表示尊重裁判決定：「我對紅牌都無咩意見，裁判做出正確判決。」

對於球隊表現，莫耶斯就講喇，「我認為球隊上半場踢得幾好，經常可以接近禁區邊，只係我哋未能把握到機會，將佢轉化為入波。我認為魯迪治球波，係史雲斯上半場唯一機會，可惜就咁俾佢把握到入波，當然感覺唔太好，不過我哋好快就扳平。在比賽中有好多時間我哋都控制咗比賽，我們有時間可以炮製更多入球，可以入到更多波，只係有機會面前下浪費咗。」