在開季前有好多好多，真係好多傳會傳聞，其中一單就係曼聯借用皇馬的左閘干查奧，解脫被馬些路長期逼坐冷板櫈嘅佢，而呢單轉會最後都無成功。到今日，轉會大門再開，干查奧仍然不被重用，於是又傳佢會投魔，為艾夫拿單天保至尊嘅左路添加一名球員。
就到世界盃，各路人馬其實都想打好啲，為自己上陣世界盃增加機會，而鏡報就指，干查奧今季只在皇馬上陣兩次咁大把，其世盃位置實在岌岌可危。而對於佢，安帥都已經表明會開綠燈，俾佢去打其他球隊保持狀態。而鏡報更聲言，聽到呢個消息之後干查奧經理人已經開始接觸莫耶斯，睇下有無機會「救走」佢。而傳聞中，佢嘅價位係1200萬歐羅左右。
相比起另一位緋聞中人拜恩斯，一來干查奧後生成四年咁多；另一方面佢有更多大戰的經驗，歐聯同國際賽都打得比拜恩斯多；最最重要，係拜恩斯對愛華頓好重要，點諗都好難買得到，相反皇馬就多一個干查奧唔多，出售佢可以話係意料中事。依家曼聯幾條戰線，只係依靠艾夫拿真係唔多夠，要多一位左閘其實好有需要，干查奧如果真係來投實可解燃眉之急。
不過講到呢到，就不得不講句同人唔同命，同遮唔同柄，大家都係叫法比奧，點解隊中有個法比奧達斯華唔用，要去外求法比奧干查奧呢？有時莫耶斯嘅世界，比巴神嘅世界更難明…
就到世界盃，各路人馬其實都想打好啲，為自己上陣世界盃增加機會，而鏡報就指，干查奧今季只在皇馬上陣兩次咁大把，其世盃位置實在岌岌可危。而對於佢，安帥都已經表明會開綠燈，俾佢去打其他球隊保持狀態。而鏡報更聲言，聽到呢個消息之後干查奧經理人已經開始接觸莫耶斯，睇下有無機會「救走」佢。而傳聞中，佢嘅價位係1200萬歐羅左右。
相比起另一位緋聞中人拜恩斯，一來干查奧後生成四年咁多；另一方面佢有更多大戰的經驗，歐聯同國際賽都打得比拜恩斯多；最最重要，係拜恩斯對愛華頓好重要，點諗都好難買得到，相反皇馬就多一個干查奧唔多，出售佢可以話係意料中事。依家曼聯幾條戰線，只係依靠艾夫拿真係唔多夠，要多一位左閘其實好有需要，干查奧如果真係來投實可解燃眉之急。
不過講到呢到，就不得不講句同人唔同命，同遮唔同柄，大家都係叫法比奧，點解隊中有個法比奧達斯華唔用，要去外求法比奧干查奧呢？有時莫耶斯嘅世界，比巴神嘅世界更難明…
請按此登錄後留言。未成為會員? 立即註冊